Shtatë mënyra për t’i rikthyer fëmijët tuaj në rutinën e gjumit

Nëse kohët e fundit e keni pasur të vështirë ta bëni fëmijën tuaj të shkojë në shtrat më herët, qoftë për shkak të pushimeve, disa festimeve apo pushimeve shkollore, ekzistojnë disa metoda që do t’ju ndihmojnë në këtë drejtim.

Ekspertë të shumtë të fushës kanë ndarë disa këshilla se si të rivendosni orarin e gjumit tek fëmijët tuaj.

Kjo do t’ua bëjë edhe juve më të lehtë, por edhe për fëmijët që të rikthehen në rutinën e tyre. Ja metoda që duhet t’i aplikoni.

Nxitini të jenë aktivë gjatë ditës

“Aktiviteti fizik është i lidhur me gjumë më të mirë, kështu që inkurajojini ata të bëjnë diçka aktive, si të ecin për një shëtitje apo të luajnë në parkun lokal”, këshillon psikologia Lindsay Browning për The Independent. Ajo gjithashtu sugjeron të rrisni ekspozimin tuaj ndaj dritës natyrale gjatë ditës pasi kjo mund të përmirësojë gjumin tuaj gjatë natës.

Rregulloni orarin gradualisht

“Në vend që të prisni që t’i riktheheni rutinës menjëherë, rritja gradualisht e orarit të gjumit me 15 minuta çdo ditë do ta bëjë më të lehtë përshtatjen”, thotë ekspertja e prindërimit Jennifer Warwick.

Ndërtoni një rutinë relaksi

“Një rutinë para gjumit përfshin aktivitete para se të shkoni në shtrat. Shikimi i përmbajtjeve të lehta, e ndjekur nga një banjë ose dush i ngrohtë, më pas leximi ose dëgjimi i muzikës së butë”, shton Warwick.

Shmangni dritën e fortë para se të shkoni në shtrat

“Të shmangen ekranet para gjumit sepse drita e fortë e bën më të vështirë të bini në gjumë”, shpjegon Browning.

Jo ëmbëlsirat para gjumit

“Çokollata, e cila është e pasur me sheqer, rrit vigjilencën dhe nivelet e energjisë dhe mund të pengojë gjumin”, këshillon Browning.

Hapni perdet në dhomën e gjumit në mëngjes

“Ju do t’i ndihmoni ata të zgjohen me dritë natyrale, e cila rregullon ciklin e tyre gjumë-zgjim”, këshillon Warwick.