Shtatë klube evropiane të interesuara për transferimin e Ansu Fatit

Sulmuesi spanjoll, Ansu Fati mund të largohet në verë nga Barcelona dhe shumë klube të njohura evropiane duan transferimin e tij.

Këtë sezon, trajneri i Barcelonës, Xavi Hernandez, ka luajtur kryesisht me 11-shen  e rregullt titullar për ndeshjet e La Ligas, duke siguruar që lëndimet dhe pezullimet nuk janë një problem.

Kjo do të thotë që shumë lojtarë nga skuadra janë reduktuar në paraqitje si zëvendësues.

Lexo po ashtu Xavi nuk i sheh në planet e tij: Barcelona vë në shitje tre yje

Njëri prej këtyre lojtarëve që është mbetur si zëvendësues është Ansu Fati. 20-vjeçari doli në skenë për Barçën katër vjet më parë, por ende nuk është vendosur në ekipin e parë nën drejtimin e Xavit.

Ai është paraqitur në çdo ndeshje të vetme për Blaugranave këtë sezon, por rrallë herë ka startuar, ku periudha e tij më e gjatë ishte kur Robert Lewandowski u pezullua.

Të premten u raportua se kundërshtari i Barcelonës në Ligën e Evropës, Manchester United, po shqyrtonte një lëvizje gjatë verës për Fatin, por nuk janë vetëm në garë.

Sipas gazetës Mundo Deportivo, jo më pak se shtatë klube në të gjithë Evropën janë të interesuara për sulmuesin, me kampionët gjermanë të Bayern Munich që janë veçanërisht të interesuar për një transferim.

Përveç tyre interesim ka shprehur edhe Arsenali i Mikel Artetës dhe Tottenham Hotspur i Antonio Contes.

Pavarësisht interesimit, Fati ka deklaruar më herët se është i vendosur të qëndrojë dhe të luftojë për vendin e tij te Barcelona, ​​pavarësisht interesimit të klubeve të tjera. /Telegrafi/