Shqipëria U21 nuk ka mundur të bëjë asgjë përballë Anglisë U21 në ndeshjen kualifikuese për Kampionatin Evropian që mbahet në vitin 2021, duke pësuar humbje 5-0.
Shpresat e Tre Luanëve e filluan mjaftë mirë takimin, duke shënuar pas vetëm pesë minutash lojë me anë të Callum Hudson-Odoit.
Minutat në vazhdim kanë sjellë dhe dy gola të tjerë për 21-vjeçarët e Anglisë, me autor James Justin (26') dhe Jamal Musiala (36'), duke mbyllur 45 minutat e para me një avantazh 3-0.
https://twitter.com/eMiaSanMia/status/1328794594113429505
Pjesa e dytë ka nisur përsëri me gol, është kapiteni i skuadrës angleze, Eddie Nketiah që ka shënuar në minutën e 52-të.
Shqipëria U21 dukej disi e humbur në fushë dhe nuk arriti të krijonte një aksion të mirëfilltë në minutat e mbetur të takimit.
Nketiah realizoi edhe një herë për anglezët në minutën e 86-të, duke vulosur fitoren e ekipit të tij.
Anglia U21 që tashmë ka siguruar kualifikimin në Kampionatin Evropian ka 28 pikë, Austria 18, Shqipëria 14, Turqia 13, Kosova me nëntë dhe Andorra me pesë. /Telegrafi/
