LAJMI I FUNDIT:

Shqipëria pa përmirësim në luftën kundër pastrimit të parave, Jaço: Papërgjegjshmëria dëmton progresin drejt BE-së

Shqipëria pa përmirësim në luftën kundër pastrimit të parave, Jaço: Papërgjegjshmëria dëmton progresin drejt BE-së

Presidenti i Dhomës Amerikane të Tregtisë në Shqipëri, Enio Jaço ka reaguar sot pas publikimit të raportit të Moneyval, njësi e Këshillit të Evropës për vlerësimin e riskut të pastrimit të parave.

Në një postim në rrjetet sociale, Jaço ka shtuar se fakti që Moneyval kërkon që Shqipëria të monitorohet sepse nuk ka përmirësim në luftën kundër pastrimit të parave tregon shumë për pabesueshmërinë ndaj politikave të Shqipërisë dhe progresin e papërfillshëm.

“Dy vite më parë Shqipëria u fut në listën gri të pastrimit të parave dhe sot dy vite më pas, kemi zero progres. Fatkeqësisht, kjo mungese përgjegjshmërie për të kryer disa detyra bazike shtëpie, dëmton jo vetëm besueshmërinë e Shqipërinë, por dhe progresin në BE”, ka theksuar kreu i AmCham.

Ai ka thënë se fenomeni i pastrimit të parave nuk është i izoluar.

Sipas Presidentit të AmCham, pastrimi i parave është një degëzim që lidhet me probleme po aq akute që ka Shqipëria, korrupsioni, praktikat abuzive, monopolet dhe lista vijon.

Raporti i Moneyval: Shqipëria nuk ka përmirësim në luftën kundër pastrimit të parave, duhet të mbahet në monitorim
Lexo po ashtu Raporti i Moneyval: Shqipëria nuk ka përmirësim në luftën kundër pastrimit të parave, duhet të mbahet në monitorim

“Dhe për aq kohë sa të gjitha këto sfida nuk luftohen bashkë dhe nuk zëvendësohen me standarde evropiane, mund të mos ketë surpriza progresi edhe në vitet që vijnë”, ka shtuar Jaço.

Raporti monitorues i radhës për Shqipërinë doli në përfundimin se vendi jonë nuk ka përmirësuar në mënyrë të konsiderueshme masat për të luftuar pastrimin e parave dhe financimin e terrorizmit në përputhje me rekomandimet e Task Forca e Veprimit Financiar (FATF).

Në raportin e përvitshëm thuhet se Shqipëria ndodhet në listën gri dhe duhet të mbahet në monitorim të vazhdueshëm.

“Ndër çështjet e tjera, raporti ekzaminoi standardet e reja ndërkombëtare të aplikuara për asetet virtuale, duke përfshirë, kriptovalutat dhe ofruesit e këtyre aseteve. Moneyval vendosi që Shqipëria të mbetet monitorim të zgjeruar dhe të raportojë më tej mbi progresin e mëtejshëm për të forcuar zbatimin e masave mbi pastrimin e parave dhe luftës ndaj terrorizmit në baza vjetore”, shkruhet mes të tjerash në raport. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Hamza: Jam më i mirë se Kurti në qeverisje, kam përvojë më shumë se Abdixhiku - Haradinaj s’do të jetë kryeministër

Lajme
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Nënkryetarja e PE-së e thotë hapur se BE-ja gaboi me masat ndaj Kosovës, tregon pse po amnistohet Serbia

Lajme
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Propozimi i PDK-së për datën e zgjedhjeve, ristrukturimi në këtë parti dhe deklarata e Hamzës për Kurtin, Abdixhikun e Haradinajn

Lajme
Kalo në kategori