Shqip.ai, platforma e parë për transkriptim shqip e cila shërben për të gjitha moshat

Kompania Quantix javë më parë ka lansuar platformën Shqip.ai, platformë kjo e cila mundëson transkriptimin me Inteligjencë Artificiale për gjuhën shqipe.

Vesa Berdyna dhe Blinera Fazlija nga kompania Quantix treguan diçka më shumë rreth platformës Shqip.ai në emisionin e mëngjesit në ATV.

Ato treguan se ideja filloji nga qëllimi, qëllimi për të qenë platformë lehtë e përdorshme, për të qenë pran të gjithëve, me pak fjalë emër që definon qëllimin dhe të gjithë punën e bërë për kombin shqiptar.

“Mbrapa Shqip.ai realisht qëndron një ekipe me qindra pjesëmarrës, epika e zhvillimit është përbërë prej rreth 25 persona ndërsa kontribuues në lexim për mbledhjen e të dhënave kanë qenë më shumë se 200 persona të përfshirë. Fillimet ishin të vështira duke pasur parasysh edhe informacionin e mangët në treg e audio apo video ne gjuhën standarde shqipe, për idenë se kemi krijuar platformën e parë për transkriptim shqip në botë”, treguan ato.

Berdyna dhe Fazlija shtuan se platforma është e përshtatshme dhe lehtë e përdorshme për të gjitha moshat.

“Më formën e aplikimit për platformë kemi hasur një interesim jashtëzakonisht të madh edhe nga ana e studentëve, që nënkupton që platforma do jetë e qasshme jo vetëm për institucione publike e private por edhe për përdorime personale/individuale pa dallim moshe, kudo që mund të gjejë përdorim. Le të themi që është interes i përbashkët dhe me këtë kemi arritur qëllimin kryesor”, shtuan ato. /Telegrafi/