Shprehia e cila mund t’ju shmangë infeksionin! Qe se si të pushoni të prekni fytyrën!
ADN-ja jonë na kushtëzon të prekim fytyrën, andaj edhe është e lindur nevoja për të
Që si fetus në mitër njerëzit e bëjnë këtë gjest. Për këtë shkak çdo herë kur i themi vetes “mos e prek fytyrën”, pikërisht shkojmë kundër natyrës sonë.
Kur prekim fytyrën, atëherë qetësohemi. Me shtypjen e pikave të caktuara aktivizojmë disa pjesë të sistemit parasimpatetik.
Problemi është që kur jemi nën stres, truri ynë di sa na kënaq prekja e fytyrës, andaj neve mu atëherë më së shumti na “detyron” ta bëjmë këtë gjë.
Fëmijët shpesh i imitojnë prindërit. Nëse këta prekin fytyrën e vet kur janë të tronditur, të frikësuar apo të hidhëruar, probabiliteti më i lartë është që edhe fëmijët të veprojnë njësoj.
Në këto të vështira përhapjeje infeksionesh, këshilla më e shpeshtë që bëjë mjekët dhe specialistët është: Lani duart shpesh dhe mos prekni fytyrën. Por dashur padashur duart të shkojnë vetë në fytyrë. Pse e prekim fytyrën kaq shpesh?
Ekspertët shpjegojnë se njerëzit janë të “programuar” për ta bërë këtë. Nuk mund të sillen ndryshe. Të kërkosh të mos prekësh fytyrën është si t’u kërkosh atyre të bëjnë diçka të panatyrshme.
Psikologia Natasha Tiwari nga “Veda Group” tha në një video postuar në BBC se:
“Ne e kemi prekur fytyrën që kur kemi qenë fetuse në mitër. Prandaj çdo herë që i themi vetes: ‘mos e prek më fytyrën, nëse e prek fytyrë do të sëmuresh’, po i kërkojmë vetes të bëjmë diçka krejt të panatyrshme. Kur ne prekim fytyrën, ajo që bëjmë në të vërtetë është të qetësojmë veten. Kur ne prekim zona të caktuara të fytyrës, ajo që jemi duke bërë është të aktivizojmë pika të caktuara presioni, të cilat aktivizojnë diçka të quajtur sistemi nervor parasimpatetik, që është gjëja që na bën ne të qetësohemi së brendshmi”.
Sipas psikologes së njohur, ne “shohim të njëjtin reagim te qentë dhe macet. Fëmijët shpesh imitojnë sjelljen e prindërve të tyre. Pra nëse prindërit tanë prekin fytyrën kur janë të shokuar, apo kur janë të habitur apo kur janë të mërzitur, ne jemi të prirur të bëjmë të njëjtën gjë”.
Psikologia sqaroi se në këtë kohë të vështirë kur ne e dimë se nuk duhet ta prekim fytyrën, në mënyrë subkoshiente duart tonë shkojnë drejt fytyrës.
Por si mund të hiqni dorë nga prekja e fytyrës, edhe pse konsiderohet pothuajse e pamundur?
Që të mos prekësh sytë, një zgjidhje mund të jetë të mbash syze. Për femrat rekomandohet edhe të bëjmë më pak grim.
Mund të mësosh edhe se si të përdorësh duart. Për njerëzit që e kanë zakon të flasin me duar si formë ekspresiviteti, duke e bërë më të mundur lirshmërinë e duarve të tyre për të prekur fytyrën, provoni t’i mbani gishtat të kryqëzuar.
Kur të doni të prekni fytyrën, nëse mbani gishtat e dy duarve të kryqëzuar me njëri-tjetrin, do të jeni më të vetëdijshëm se çfarë jeni duke bërë. /Telegrafi/
Lufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E zezë klasike, krejt sytë n’ty
Papuçe që t’flen kama n’to- Porositni me zbritje në Telegrafi Deals
Kapni zbritjen – atletet Nike për meshkuj tash me zbritje në Telegrafi Deals!
Kur nuk blen për vete, nuk blen as për kojshi – që do të thotë shfrytëzoje zbritjen në Telegrafi Deals
Sot harroni të gjitha hallet, ZBRITJA në Deals me na shku huq nuk na falet
Më të lexuarat
Njëri nga të kërkuarit për tentim vrasjen në Prishtinë e kishte rrahur reperin Fero në vitin 2018
Stradner: Vuçiq dhe Dodik po përgatisin jetësimin e idesë për "botën serbe"
I pyetur nga Bundesliga se cilit person të famshëm ia ka numrin e telefonit - Xhaka zgjodhi legjendën e futbollit
Mësohet se kush, përveç Serbisë, votoi kundër rekomandimit për anëtarësimin e Kosovës në Këshillin e Evropës
Hoxha: Grupe kriminale serbe po përgatiten për sulm në veri
"Unë thjesht dua të luaj futboll" - Vini Jr me një gjest të shëmtuar në miqësore, Laporte tallet me të pas ndeshjes