Shpërthime në Kiev, droni rus rrëzohet pranë pallatit presidencial gjatë vizitës së kryeministrit britanik

Vizita e Keir Starmer në pallatin presidencial në Kiev u prit me një mesazh nga Rusia kur një dron u shpërthye nga qielli lart.

Kryeministri po takonte presidentin Volodymyr Zelensky për të diskutuar hapat e ardhshëm për Ukrainën, në vizitën e parë të tij në Kiev që nga fitorja e tij në zgjedhje korrikun e kaluar.

Zhurma e armëve dëgjohej në oborrin e pallatit ndërsa sirenat ajrore paralajmëronin për sulme të mundshme me dron.

Ndërsa zhurmat e sirenave janë një dukuri e përditshme në Ukrainë, është e rrallë që dronët të qëllohen nga qielli mbi pallatin presidencial, shkruan skynews, përcjell Telegrafi.

A Russian drone crashed today near the site of talks between the British prime minister and the Ukrainian president, the Mariinsky Palace, The Guardian reported.

“We will also say hello”, Zelenskyy said. pic.twitter.com/O63Nl9Ktm5

— NEXTA (@nexta_tv) January 16, 2025

Bëhet e ditur se një dron u rrëzua, megjithëse dëshmitarët okularë mendojnë se kishte të paktën dy dronë që operonin dhe dyshojnë se ishin ndoshta dronë vëzhgimi.

“Edhe ne do t’i përshëndesim ata”, tha Zelensky.

Ndërsa Starmer tha se kërcënimi me dron ishte “një kujtesë e asaj me të cilën Ukraina po përballet çdo ditë”.

Ndryshe, britaniku u zotua të qëndrojë pranë Ukrainës për aq kohë sa duhet dhe ta vendosë Kievin në pozicionin më të fortë të mundshëm për negociatat me Rusinë.

Ai u zotua të punojë me Ukrainën në muajt në vijim për të garantuar siguri për vendin në çdo marrëveshje armëpushimi, duke hapur gjithashtu derën për dislokimet e mundshme të trupave, duke thënë se “asgjë nuk është jashtë tryezës”.

“Ne duhet të jemi plotësisht të qartë – një paqe e drejtë dhe e qëndrueshme vjen përmes forcës”, tha Keir. /Telegrafi/