( E plotësuar ) Një zjarr i madh ka përfshirë mëngjesin e sotëm një objekt që ofron pajisje medicionale, e që ndodhet në magjistralen Prishtinë - Ferizaj.
Zëdhënësja e Policisë së Kosovës, Flora Ahmeti tha për Telegrafin se rasti ka ndodhur rreth orës 10:00.
"Sot rreth orës 10:00, kemi pranuar informatën për një incident zjarri në një objekt në rrugën Prishtinë -Ferizaj. Në vendngjarje janë zjarrfikësit dhe policia të cilët po merren me rastin. Bazuar në të dhënat e deritanishme janë shkaktuar vetëm dëme materiale", deklaroi ajo.
- - - - - -- - -
Mëngjesin e sotëm zjarri ka shpërthyer në një objekt që ndodhet në magjistralen Prishtinë - Ferizaj.
Lexuesit e Telegrafit kanë dërguar disa pamje në redaksi nga vendi i ngjarjes.
Lidhur me rastin, Telegrafi ka kontaktuar me policinë e Kosovës, por deri në publikimin e lajmit nuk ka pranuar ndonjë përgjigje.
Bazuar në informatat e para, mësohet se zjarri ka shpërthyer në objektin e Koslab, ku ofrohen pajisje medicionale.
