Shpejtësia e grushteve të Mike Tyson para duelit me Jake Paul ka bërë që fansat të flasin

Pamjet e reja të stërvitjes së Mike Tyson para luftës së tij me Jake Paul i lanë fansat të bindur se ai mund t’i “hiqte kokën” YouTuberit.

Tyson në moshën 57-vjeçare do të përballet me 27-vjeçarin yll të mediave sociale, i kthyer në boksier, Jake Paul në ring më 20 korrik. Ish-kampioni i padiskutueshëm i boksit në peshën e rëndë do të paketojë stadiumin AT&T me 80,000 vende në Arlington Teksas në përballja e parë që nga dueli kundër Roy Jones Jr në një garë ekspozite në nëntor 2020.

Shumë kanë dyshuar në cilësitë e Paulit për t’u përballur me një legjendë të boksit, tri dekada më i madh se ai. Por, një klip i sapo ngarkuar që tregon punën e Tysonit i ka lënë fansat të bindur se ai ka ende atë që duhet për të fituar fitoren e tij të 57-të profesionale.

Lexo po ashtu Parashikohet se kush do ta fitojë duelin në mes të Mike Tyson dhe Jake Paul

‘Iron Mike’ mund të shihet duke lëshuar një mori goditjesh të shpejta kundër thesit të boksit në të njëjtin stil që e bëri atë një forcë të pandalshme në sport në vitet 1980.

Dhe fansat në rrjetet sociale shkuan në seksionin e komenteve për të shprehur habinë e tyre, me një postim në Twitter: “Mike Tyson duket si një përbindësh gjatë një sesioni fotografik sot”, ndërsa një tjetër shkroi: “Ai po ia heq kokën Jake!”.

Një i tretë shtoi: “Ai do ta vërë në gjumë Jake”, ndërsa i katërti shkroi: “Mike Tyson duket shumë më i mirë se Tommy Fury”.

Fury është njeriu i fundit dhe i vetmi që mundi Paulin në një luftë profesionale, duke fituar me vendim të ndarë në një garë me tetë raunde në shkurt 2023. /Telegrafi/