Shorti nxori përballjen Barcelona-Roma, situata e skuadrave para përballjes

Shorti i Ligës së Kampionëve ka vënë përballë Barcelonë, me një skuadër simpatike si Roma.

Roma është një nga skuadrat e mbetura që nuk e kanë fituar kurrë trofeun me ‘veshë të mëdhenj’.

Ndeshja e parë do të zhvillohet me 4 prill, ndërsa ajo kthyese do të zhvillohet me 10 prill.

Para ndeshjes me romakët, katalunasit do të përballet me Sevillën, ndërsa para ndeshjes kthyese me Leganesin.

Djelmoshat e Eusebio Di Francescos kanë pasur forcën që të përballen me klube si Chelsea dhe Atletico Madrid, duke e kaluar grupin, ndërsa në 16 më të mirat e eliminoi Shakhtar Donetskun.

Edin Dzeko ishte ai që e shënoi golin e fitores, ndërsa Cengiz Under atë të mysafirëve.

Sidoqoftë, lojtari kryesor te Roma mbetet portieri Alisson, i cili është një nga më të mirët në botë dhe këtë e dëshmoi në Ukrainë.

Ai gjithashtu luajti një rol të rëndësishëm kundër Atleticos në barazimin 0-0 në Romë.

Dy takime e fundit të zhvilluar mes Barcelonës dhe Romës, janë zhvilluar në sezonin 2015/16.

Blaugrana fituan në shtëpi 6-1, ndërsa në Itali u mbyll 1-1.

Ndërsa në klubet janë përballur edhe në sezonin 2001/02, kur Barcelona u mposht 3-0 në Romë, ndërsa 1-1 ndeshja u mbyll në shtëpi.

Një njeri i njohur në Spanjë është edhe Monchi i cili rikthehet në Spanjë, ku ka punuar për shumë vite. Ai tashmë është drejtor sportiv te Roma. /Telegrafi/