Shoqata gjermane paralajmëron: Çmimet e karikimit të veturave elektrike janë shumë të larta!

Shoqata Gjermane e Industrisë së Automobilave (VDA) ka njoftuar se sistemi aktual i pagesës në karikuesit për automobila elektrikë është i paqëndrueshëm.

Nevojiten masa urgjente kundër çmimeve të tepruara në stacionet publike të karikimit. Karikimi zakonisht kushton midis 60 dhe 90 centëve për kilovat-orë – dy deri në tre herë më shumë se karikimi privat në shtëpi.

Në përgjithësi, ndryshimi i çmimit mes lokacioneve, ofruesve të shërbimeve dhe tarifave mund të jetë ekstreme: nga 30 cent deri në gati 90 centë.

Një kritikë tjetër e madhe: konsumatorët shpesh duhet të nënshkruajnë kontrata të shumta pagesa për të shfrytëzuar tarifat e volitshme. Ky është një problem i veçantë për ata që nuk mund ta karikojnë makinën elektrike në shtëpi ose në punë.

Një portal i pavarur krahasues për tarifat e karikimit – i ngjashëm me ato për stacionet e karburantit – është një hap kyç drejt forcimit të besimit në infrastrukturën e karikimit dhe krijimit të transparencës, theksojnë në VDA.

Pra, në Gjermani kërkohet më shumë transparencë, kërkohen çmime më të ulëta të karikimit.

Karikimi në shtëpi është më i lirë… Nëse planifikohet një ekspansioni i madh i mobilitetit elektrik, do të duhet që gjithë kalimi të inkurajohet me zgjidhje më cilësore. /Telegrafi/