Shoku yt i ngushtë ka nevojë për një shok ose shoqe që din montazhë!

A e ke menduar ndonjëherë se si do të ishte të punosh krah për krah me shokun tënd të ngushtë në një projekt që frymëzon krijimtari dhe inovacion?

Epo, ky është shansi yt i artë!

Telegrafi, një prej emrave më të njohur në tregun medial kosovar, po kërkon të rekrutojë dy montazherë të talentuar për të sjellë përmbajtje vizuale të jashtëzakonshme në ekranet tona.

Çfarë kërkojmë?

Nëse ke eksperiencë në montimin e videove duke përdorur programe si CapCut dhe Adobe Premiere Pro, atëherë Telegrafi është vendi i duhur për ty.

Ne kërkojmë individë që sigurojnë cilësi të lartë në çdo video dhe që punojnë me përpikëri për të përmbushur afatet redaksionale.

Aftësitë kreative janë thelbësore, ashtu sikur edhe vëmendja ndaj detajeve. Njohuritë e gjuhës shqipe dhe të paktën një gjuhe tjetër të huaj, si anglishtja, janë gjithashtu të kërkuara për këtë rol dinamik.

Detyrat dhe përgjegjësitë:

Montimi dhe editimi i materialeve xhiruese në produkte finale që përputhen me standardet e Telegrafit.

Bashkëpunimi me gazetarët dhe krijuesit e përmbajtjes për të krijuar video që tërheqin vëmendjen.

Menaxhimi i aspekteve teknike të video regjistrimit dhe editimit.

Pjesëmarrja në ekipën krijuese për të sjellë ide të reja dhe inovative.

Si të aplikoni?

Nëse mendon se je personi i duhur, dërgo CV-në tënde në hr@telegrafi.com, duke specifikuar pozitën për të cilën po aplikon në “Subject”.

Mos harro, afati i fundit për aplikim është më 5 janar 2025.

Vetëm kandidatët e përzgjedhur do të ftohen për intervistë. Ky është shansi yt për të kontribuar në zhvillimin e përmbajtjes mediale që bën diferencën.

A je gati për këtë aventurë?

Bashkohu me Telegrafi dhe shfrytëzo këtë mundësi unike për të punuar me shokun tënd të ngushtë në një ambient që frymëzon dhe sfidon kreativitetin.