LAJMI I FUNDIT:

Shkon në 71 numri i viktimave nga shpërthimi në Meksikë

Shkon në 71 numri i viktimave nga shpërthimi në Meksikë

Numri i viktimave nga shpërthimi i naftësjellësit në Meksikë, mbrëmjen e së premtes, ka shkuar tashmë në 71, ndërsa dhjetëra të tjerë rezultojnë të plagosur.

Hetimet paraprake lënë të besosh se shkak i shpërthimit ka qenë dëmtimi i rrjetit nga hajdutët e lëndës djegëse, pikërisht në pjesën që kalonte në qytetin Tlahuelilpan të shtetit Hidalgo.

Zyrtarët thonë se dhjetëra persona ishin përpjekur të mbushnin deri edhe kontenjierë, por fatkeqësisht u përfshinë nga flakët e “ferrit”. Dhjetëra trupa të djegura vijojnë të mbeten në vendngjarjen që është rrethuar gjithsesi nga kordoni i forcave të sigurisë.


Banorë lokalë thonë se, politika e re e presidentit Andrés Manuel López Obrador për të shtypur hajdutët e naftës ka krijuar mungesa furnizimi në treg.

“Të gjithë kishin ardhur në kërkim të një sasie çfarëdo nafte për automjetet e tyre”, thotë fermeri Isaias Garcia për agjencinë e lajmeve “Reuters”. “Në stacionet e karburanteve nuk ka fare furnizim”.

Mes 71 viktimave që u njoftuan nga guvernatori i shtetit Hidalgo, Omar Fayad, janë edhe 3 gra dhe një fëmijë 12-vjeçar. Të afërm të tronditur të viktimave u mblodhën menjëherë pranë vendngjarjes, me të pësuar tragjedinë.

Ekspertët mjekoligjorë kanë fotografuar tashmë atë çfarë ka mbetur, në mesin e një sfondi me trupa e veshje të djegura, sikurse edhe kovat me naftë të shpërndara gjithandej.

Ndërkohë ka reaguar edhe kompania shtetërore e naftës, “Pemex”, e cila shpjegon se zjarri është shkaktuar nga vjedhjet ilegale të karburantit që kalonte në tubacionet e naftësjellësit. Hajdutët besohet se kishin shpuar tubacionin në disa vende dhe, në momentin e shpërthimit të fuqishëm, u pa një sasi e madhe e lëngshme që “fluturoi” në ajër.

Disa banorë lokalë kanë kritikuar forcat e sigurisë pranë vendngjarjes që nuk kanë paralajmëruar njerëzit, apo që nuk kanë përdorur qoftë edhe forcën për t’i detyruar të qëndronin larg rrjedhjeve të tubacionit.

Në trend Botë

Më shumë

"Askush nuk është i sigurt", Kanada i dërgon botës një paralajmërim për Trumpin

Botë
I dërguari i Trumpit largohet nga Moska pas një takimi me Putinin - ai ka një mesazh të rëndësishëm për SHBA-në

I dërguari i Trumpit largohet nga Moska pas një takimi me Putinin - ai ka një mesazh të rëndësishëm për SHBA-në

Botë
Autoritetet shëndetësore të SHBA-së tërheqin nga tregu disa produkte për trajtimin e akneve, mund të shkaktojnë kancer

Autoritetet shëndetësore të SHBA-së tërheqin nga tregu disa produkte për trajtimin e akneve, mund të shkaktojnë kancer

Botë
Rusët i sulmojnë me raketë, ukrainasit aktivizojnë sistemin gjerman IRIS T – momenti kur interceptohet dhe shkatërrohet raketa

Rusët i sulmojnë me raketë, ukrainasit aktivizojnë sistemin gjerman IRIS T – momenti kur interceptohet dhe shkatërrohet raketa

Evropa

"Hëna e përgjakur" shfaqet në qiell - publikohen imazhe spektakolare nga fenomeni që mahniti shikuesit

Botë
Hungaria heq veton, pranon që BE-ja të vazhdojë sanksionet ndaj Rusisë

Hungaria heq veton, pranon që BE-ja të vazhdojë sanksionet ndaj Rusisë

Evropa
Kalo në kategori