Shkencëtarët kanë zbuluar një lidhje të re mes sheqerit dhe rritjes së tumorit

Siç duket tani ka edhe një lajm tjetër të keq për adhuruesit e sheqerit – pas nëntë vjetëve hulumtime, biologët molekularë të Belgjikës kanë zbuluar se sheqernat e stimulojnë rritjen e tumorit.

Rezultatet e tyre, të publikuara në revistën ‘Nature Communications’, ndihmojnë të shpjegojnë një enigmë të cilën onkologët e kanë ballafaquar me dekada të tëra – dhe gjithashtu mund të ofrojnë disa zgjidhje të reja për luftimin e kancerit përmes ushqimit, transmeton Telegrafi.

Shumica e qelizave jokanceroze në trup e marrin energjinë përmes frymëmarrjes aerobike, proces i cili përfshin shndërrimin e ushqimit të tretur në molekula të pasura me energji përmes një serie me procese kimikale që kërkojnë oksigjen, e pastaj lirojnë dyoksid karboni.

Por e njëjta gjë nuk ndodh me qelizat kanceroze, sepse ato e marrin energjinë nga sheqeri i fermentuar dhe faktikisht e stimulojnë rritjen e tumorit.

Thënë më thjesht, hulumtimet sugjerojnë që sheqeri i ‘zgjon’ qelizat ekzistuese kanceroze, i bën të shumëfishohen dhe pastaj të përhapen me ritëm të shpejt. /Telegrafi/