Shije gjaku dhe turpi: Pesë momentet e tmerrshme nga zgjedhjet në Serbi

Zgjedhjet e djeshme në shtetin serb konfirmuan një tjetër fitore të regjimit të Aleksandër Vuçiqit në të gjitha nivelet.

Megjithatë, pas ngjarjes që duhet të jetë “festë e demokracisë”, një shije e hidhur mbetet në buzë për shkak të gjithçkaje që shihet.

Parregullsi, manipulime dhe intriga të shumta shënuan procesin zgjedhor.

Ekipi i portalit nova.rs ka veçuar momentet më mbresëlënëse nga zgjedhjet e djeshme, të cilat shumëkush nuk do t’i mbajë mend për të mirë.

Rrahja e opozitarit Pavle Grboviq

E pakrahasueshme, skena më dramatike në zgjedhje u regjistrua jo shumë larg bordit lokal të Partisë Progresive Serbe në Zemun, kur lideri i Lëvizjes Qytetarët e Lirë, Pavle Grboviq u rrah brutalisht pasi u përpoq të tregonte parregullsitë zgjedhore.

Lexo po ashtu Dhunë e paparë gjatë zgjedhjeve në Serbi, publikohen pamjet e sulmit brutal ndaj politikanit opozitar Pavlle Grboviq

Kolaps dhe përpjekje për votim të parregullt në qendrat e votimit

Pjesëmarrja e papritur e lartë dhe një numër i madh i parregullsive në zgjedhjet e sotme shkaktuan konfuzion në radhët e disa partive, gjë që solli një kolaps të përgjithshëm në shumë qendra votimi.

Radhët e paharruara të krijuara para qendrave të shumta të votimit ngjallën dyshimin tek disa votues se ky ishte sabotim dhe një ngadalësim i llogaritur i procesit zgjedhor.

Lexo po ashtu Edhe kjo ndodh në zgjedhjet e Serbisë: Një grua përpiqet të votojë për një tjetër person edhe pse filmohet nga kamera

Kishte edhe nga ata që vendosën t’u ndalonin disa njerëzve të votonin kaq thjesht.

Në fakt, një incident është regjistruar në një qendër të votimit në Beograd, kur një grua ka tentuar të votojë për një person tjetër.

“Trenat bullgarë gjëmojnë sërish”

Në gjithë Serbinë janë regjistruar dhjetëra raste të “trenave bullgarë”.

Kujtojmë se treni bullgar është një fenomen në të cilin Lokomotiva (organizator) duke përdorur vendin e saj në organizimin e zgjedhjeve, merr një fletë votimi bosh dhe rrumbullakos numrin rendor të partisë së dëshiruar.

Blerje të votave

Se praktika e mitmarrjes vazhdoi edhe këtë vit vërtetohet nga rasti i një votuesi nga Apatini, i cili pranoi publikisht se kishte marrë para për të votuar.

Lexo po ashtu Një votues serb pranon se e shiti votën, por sërish ankohet: Nuk do të votoj sepse dikush u pagua 40 euro, kurse unë vetëm 25 euro

Të themi të vërtetën, ai u ankua se nuk do të votonte sepse kishte marrë vetëm 3000 dinarë (25 euro), ndërsa të tjerët nga 5000 dinarë (42 euro).

Në video është kapur momentin i blerjes së votës, që është filmuar në qendrën e kryeqytetit të Serbisë – Beograd.

Lexo po ashtu Dyshime për blerje votash në qendër të Beogradit

Përkatësisht bëhet fjalë për rrugën Mbreti Mark në pjesën e vjetër të qytetit të Beogradit, ku shihen personat në këmbim të vlerës monetare duke shitur votën e tyre.

E një gjë e tillë sipas ligjeve në fuqi në Serbi sanksionohet edhe me burgim deri në disa vite. Ndryshe zgjedhjet sot në Serbi janë karakterizuar me shumë parregullsi.

Braktisja masive e qendrave të votimit nga komisionerët e SNS-ë

Nuk ka qenë e lehtë të ndjekësh këto zgjedhje, nuk ka qenë e lehtë të votosh në to.

Në vargun e parregullsive, për shembull, bien në sy pengesat që anëtarët e këshillave të votimit nga radhët e progresistëve bënë në qendrat e votimit.

Ishte turp të shikoje sesi ata braktisën qendrat e votimit, për të ngadalësuar procesin e votimit dhe për të krijuar turma. /Telegrafi/