LAJMI I FUNDIT:
Prishtina 20° clearsky_day

Shifra të larta të aksidenteve në rrugën Drenas-Malishevë, Ministria e Infrastrukturës në heshtje

Shifra të larta të aksidenteve në rrugën Drenas-Malishevë, Ministria e Infrastrukturës në heshtje

Në fshatin Arllat të Komunës së Drenasit, saktësisht në rrugën Agim Qela magjistralja Drenas-Malishevë, viteve të fundit kanë ndodhur aksidente të shumta si pasojë e mos rregullimit të duhur të kësaj rruge.

Ndonëse pati shumë aksidente të cilat kanë përfunduar edhe me humbje jetësh e nga banorët janë bërë ankesa të shumta në komunë, akoma nuk është ndërmarrë asgjë për parandalimin e këtyre problemeve, transmeton Telegrafi.

Mungesa e ndriçimit, rruga në formë rrumbullake në të cilën s’ka as tabelë që informon për rreziqet, dhe fakti që është zonë e banuar i’a shtojnë rrezikun rrugës.

Sipas Blerim Gashit, banor në këtë zonë kjo rrugë po u rrezikon jetën e njerëzve që kalojnë atë pjesë.

“Shqetësim i yni permanent është rrezikimi i jetrave të njerëzve këtu nga aksidentet të cilat janë të shpeshta sidomos në stinën e dimrit. Në lidhje me këtë çështje ne kemi dërguar ankesa në institucione relevante, e kemi kontaktua komunën por komuna e ka hedhë fajin te ministria e infrastrukturës dhe anasjelltas. Gjithsesi ne shpresojmë që të bëhet diçka me këtë rrugë sepse po kemi telashe, si në përditshmëri e në gjithçka”, tha Gashi për Telegrafin.

Nga komuna e Drenasit në Drejtorinë për Infrastrukturë Lokale, për Telegrafin thanë se nuk kanë pranuar asnjë ankesë nga banorët dhe se kjo rrugë është regjionale dhe si e tillë nuk është në kompetencat e komunës.

“Kjo rrugë është regjionale e cila menaxhohet nga Ministria e Mjedisit, Planifikimit Hapësinor dhe Infrastrukturës dhe ne si komunë nuk mund të ndërmarrim asnjë veprim ne rregullimin e infrastrukturës meqenëse nuk menaxhohet nga ne. MMPHI ka mirëmbajtjen e rrugëve regjionale e cila është e informuar për problemet te cilat paraqiten në këtë segment rrugor te cilat menaxhohen nga kjo ministri. Ne Drejtorin e infrastrukturë Publike, Komuna Drenas nuk ka pranuar asnjë ankesa nga banoret e fshatit Arllat lidhur me problemet te cilat paraqiten në ketë segment rrugor” u shpreh Vlora Gjinofci-Mjekiqi, Udhëheqëse e Sektorit të Ndërtimit në Drenas.

Rruga e prishur në fshatin Arllat

Ndërsa sipas statistikave nga Policia e Kosovës, në pesë vitet e fundit shifrat e aksidenteve në po atë rrugë janë të larta.

Në rrugën “Agim Qela”, konkretisht në Arllat, në zonën që e mbulojmë njësitet e Rajonit të Prishtinës janë raportuar aksidentet e poshtëshënuara:

Në vitin 2019 gjithsej 6 aksidente, në vitin 2020 gjithsej 7 aksidente, në vitin 2021 gjithsej 11 aksidente ( njëri prej tyre me pasoja fatale ), në vitin 2022 gjithsej 8 aksidente ( njëri prej tyre me pasoja fatale ), në vitin 2023 gjithsej 13 aksidente ( njëri prej tyre me pasoja fatale ), sa i përket vitit 2024 njësitë nuk kanë pranuar asnjë aksident.

Ndryshe Telegrafi ka kontaktuar edhe në Ministrinë e Mjedisit, Planifikimit Hapësinor dhe Infrastrukturës, por nuk pati përgjigje nga ata./Telegrafi/

Në trend

Më shumë
Mësoni pse Holandës iu anulua goli i Xavi Simons kundër Francës

Mësoni pse Holandës iu anulua goli i Xavi Simons kundër Francës

Përfaqësueset

"Ndaj tij do të zbatohen sanksione disiplinore dhe financiare" - klubi i Rubin Kazanit me reagim për situatën e Mirlind Dakut

Përfaqësueset
Miliona njerëz mbetën pa energji elektrike në pak sekonda, këto janë tri teoritë që shkaktuan terrin në Ballkan

Miliona njerëz mbetën pa energji elektrike në pak sekonda, këto janë tri teoritë që shkaktuan terrin në Ballkan

Botë
Nga dyshimet për Policinë e Kosovës tek ndikimi te dëshmitarët, si e ndryshoi Specialja arsyetimin për t’i mbajtur në Hagë ish-krerët e UÇK-së

Nga dyshimet për Policinë e Kosovës tek ndikimi te dëshmitarët, si e ndryshoi Specialja arsyetimin për t’i mbajtur në Hagë ish-krerët e UÇK-së

Drejtësi
PDK kërkoi shkarkimin e ambasadorit Berishaj, deputeti Berisha e vizitoi në Zagreb: Biseduam për të mirën e kombit dhe shtetit

PDK kërkoi shkarkimin e ambasadorit Berishaj, deputeti Berisha e vizitoi në Zagreb: Biseduam për të mirën e kombit dhe shtetit

Politikë
Duket e pabesueshme, por kjo është fantazia seksuale më e madhe femërore

Duket e pabesueshme, por kjo është fantazia seksuale më e madhe femërore

Intimitet dhe Pasion
Kalo në kategori