Shpërthimi i fishekzjarrëve, gjatë një festivali në Spanjë nuk ka shkuar si duhet dhe për pasojë, 20 pjesëmarrës pësuan lëndime të konsiderueshme.

Viktimat që pësuan në ‘Canga de Narcea’ që u zhvillua në Asturias, kanë djegie në trup, ose janë prerë nga xhamat dhe gjësendet e ndryshme që u shpërndanë prej objekteve të afërsi, pasi që ndodhi eksplodimi, transmeton Telegrafi.

Banorët dhe shumë vizitorë, ishin mbledhur në La Magdalena për këtë festival që feston të shenjtin mbrojtës të zonës, që ishte paraparë të mbyllej me një shfaqje fishekzjarrësh. Mirëpo, fishekët që ishin afër dhe po bëheshin gati të ndizeshin, u aktivizuan nga një mjet i devijuar piroteknik.

Të pranishmi pretendojnë se dëgjuan një ‘hungërimë’ pas së cilës nisën të thuhen xhamat e banesave dhe dyqaneve, ndërsa u dëmtuan edhe disa mure. Mjekët shkuan të intervenojnë me shpejtësi, ndërsa klinikat private ofruan ndihmë për t’i trajtuar të prekurit.

Policia e ka bllokuar zonën, nga frika se mund të fillojnë vjedhje të ndryshme, pasi deri më tani ka pasur përpjekje të hyhet në një bankë.

Kryetari i zonës e ka konfirmuar rastin dhe u dëshiroi të lënduarve shërim të shpejtë, ndërsa siguroi banorët se do merren masa që kjo të mos përsëritet në vitin që vjen. /Telegrafi/