Në organizimin e rëndësishëm që po e zhvillon Apple në Kaliforni të Shteteve të Bashkuara, ku do të shfaqet iPhone i ri, është folur fillimisht për shërbimin e video-lojërave.

Ky aplikacion për telefona të zgjuar, do të fillojë më 19 shtator, derisa muaji parë është falas, ndërsa për çdo muaj duhet paguar nga 4.99 dollarë, transmeton Telegrafi.

Janë më se 100 video-lojëra në dispozicion, si Frogger in Toy Town dhe Shinsekai: Into The Depths, që janë paralajmëruar gjatë një aktiviteti në fillim të këtij viti.

Apple e sjellë këtë platformë për herë të parë, në kohën kur App Store është përplot me video-lojëra që mund të shkarkohen falas, por duket se Arcade të jetë më e veçantë.

Shumica e video-lojërave, pritet të jenë të përshtatshme për tërë familjen, megjithëse ka edhe të atilla që janë krijuar nga kompanitë që sollën lojëra të dhunshme për të rritur. /Telegrafi/