Sheiku nga Katari dhe miliarderi britanik dërguan oferta rekord për të blerë Manchester Unitedin

Sir Jim Ratcliffe dhe Sheikh Jassim Bin Al Thani dërguan oferta zyrtare te Manchester United para afatit, i cili zgjati deri në orën 22:00 të mbrëmjes së sotme.

Ish-trashëgimtari i fronit të Katarit është i bindur se do të jetë pronari i ri i Djajve të Kuq.

Sheikh Jassim ia la postin e trashëgimtarit të fronit vëllait të tij më të vogël, emirit aktual të vendit, Tamim Bin Al Thani dhe aktualisht është president i Bankës Islamike të Katarit.

Kundërshtari i tij është presidenti i grupit INEOS, Jim Ratcliffe, i cili ka shprehur disa herë dëshirën për ta mbajtur Unitedin në pozicionin e një superfuqie të futbollit.

Të dy pronarët e mundshëm kanë thënë së fundmi se nuk do të paguajnë para të çmendura për klubin, por informacionet nga mediat britanike thonë se të dyja ofertat janë rreth 6 miliardë euro.

Lexo po ashtu Sheikh Jassim i gatshëm të rrisë me mbi 1 miliard euro ofertën për blerjen e Man Utd

Do të ishte një blerje rekord e një klubi futbolli, dhe tani pronarët aktualë të urryer Glazers janë duke pritur.

Manchester United sale: Sheikh Jassim and Sir Jim Ratcliffe’s bids are in 🚨🔴

Sheikh Jassim remains fully engaged and confident in his bid.

Next steps are up to Manchester Utd owners, the Glazers family.

Understand both parties don’t expect an ‘immediate’ response. pic.twitter.com/Vk70501EdZ

— Fabrizio Romano (@FabrizioRomano) March 22, 2023

Kujtojmë se Glazers së fundmi trembën tifozët me njoftimet se nuk duan ta shesin klubin. /Telegrafi/