Sheh marketet e zbrazura, Zanfina Ismaili nuk mund ta kuptojë panikun e përhapur në vendin tonë: Nëse është e shkruar, do vdesim

Situata alarmante e krijuar për përhapjen e coronavirusit në Shqipëri, ka bërë që shumë qytetarë të Kosovës të ndërmarrin masa sigurie në rast përhapje të virusit Covid-19 edhe në vendin tonë.

Si rrjedhojë, gjatë ditës së mërkurë u publikuan nëpër rrjetet sociale disa fotografi të shumë rafteve të boshatisura nëpër dyqane, pasi qytetarët këto ditë kanë blerë me shumicë.

E habitur nga kjo situatë duket se ka ngelur këngëtarja Zanfina Ismaili, e cila gjatë të mërkurës është përballur me një raft komplet të zbrazur në një nga marketet që ajo po frekuentonte.

Lexo po ashtu Rina Balaj dhe i dashuri i saj, Sin Boy marrin masa për preventimin e coronavirusit

Ismaili vendosi që të publikojë një fotografi në InstaStory, duke shkruar në mbishkrimin e saj se nuk e kupton këtë panik të qytetarëve.

“Spo e kuptoj aq krejt këtë panikë! Nëse është shkru me vdes, kena me vdes edhe me na ra një tullë në kry pahiri! Do të ndodhë qysh e ka shkru Zoti dhe jo virusat. Kaq prej meje”, shkroi këngëtarja.

Zanfina përndryshe ka tash e sa kohë që nuk është pjesë aktive e tregut muzikor, teksa kënga e fundit e saj mbetet “S’je ai mo” e publikuar në vitin 2017. /Telegrafi/