SHBA do të përpiqet të gjejë sa më shpejt pjesët kyçe të balonës së rrëzuar kineze

Ushtria amerikane njoftoi të shtunën se do të përpiqet të gjejë shpejt elementët kryesorë të një balone vëzhguese kineze midis mbetjeve në brigjet e Karolinës së Jugut, pasi u rrëzua nga një aeroplan luftarak F-22.

“Kërkimi është duke vazhduar. Sa kohë do të duhet mbetet për t’u përcaktuar”, u tha gazetarëve një zyrtar i lartë i mbrojtjes amerikane, duke shtuar se mbetjet ishin në ujëra relativisht të cekëta, transmeton Telegrafi.

Një zyrtar i lartë ushtarak tha se parashikon që rimontimi i balonit nuk do të marrë javë apo muaj, por do të lëvizë relativisht shpejt.

Lexo po ashtu Sekretari amerikan i Mbrojtjes: Qeveria kineze po e përdorte balonën për të "mbikëqyrur vendet strategjike" në SHBA

Ekspertët e sigurisë thanë se fluturimi i balonës vëzhguese kineze mbi Shtetet e Bashkuara, duket se sinjalizonte një taktikë më agresive spiunazhi sesa mbështetja në satelitë dhe vjedhja e sekreteve industriale dhe të mbrojtjes.

“Në një farë mënyre, është shumë amatoreske”, tha ish-këshilltari për Sigurinë Kombëtare të Shtëpisë së Bardhë, John Bolton.

“A nuk kanë kamerat e tyre në satelitë rezolucion mjaft të lartë sa duhet, dhe për këtë dërgojnë balonë”, shtoi Bolton. /Telegrafi/

Another video of the shooting down of a Chinese "spy balloon". pic.twitter.com/uLPHz7YIJl

— NEXTA (@nexta_tv) February 4, 2023