Shasha: Ukraina dhe Moldavia më afër BE-së sipas vlerësimit nga KE-ja, vendet e Ballkanit mbesin larg

Drejtori i Institutit EPIK, Demush Shasha ka komentuar të gjeturat e Raportit të Komisionit Evropian për Kosovën dhe vendet tjera.

Shasha në një postim në “X” ka shkruar se është hera e parë që 10 vendet që janë në proces të anëtarësimit janë vlerësuar nga Komisioni Evropian.

Ai ka shtuar se të dhëna interesante dalin nëse krahasohen sa herë KE vlerësoi secilin vend me notë të mirë dhe të keqe.

“Renditja e 10 vendeve në bazë të asaj se sa herë KE arriti në përfundimin se kishte “përparim të mirë” në kapituj të ndryshëm gjatë vitit 2023: Ukraina 26, Moldavia 21, Maqedonia e Veriut 15, Shqipëria 12, Mali i Zi 9, Kosova 8, Turqia 7, Serbia 7, Gjeorgjia 4, Bosnja e Hercegovina 4”, ka shkruar Shasha.

Lexo po ashtu Komisioni Evropian miraton Raportin e Progresit për Kosovën, këto janë të gjeturat kryesore

Shasha më tej ka publikuar edhe renditjen e 10 vendeve pas vlerësimit për “asnjë përparim”.

“Renditja e 10 vendeve në bazë të asaj se sa herë KE arriti në përfundimin se nuk kishte “asnjë përparim” në kapituj të ndryshëm gjatë vitit 2023: Bosnja e Hercegovina 95, Turqia 59, Maqedonia e Veriut 40, Kosova 30, Mali i Zi 23, Serbia 23, Gjeorgjia 19, Shqipëria 16, Ukraina 10, Moldavia 6”.

Shasha ka theksuar se ky është një vështrim i papërpunuar i çështjes, megjithatë ofron një vështrim të parë të vlerësimit të KE-së për vendet.

“Një mesazh del qartë: Ukraina dhe Moldavia janë tani “konkurruesit e parë”. Ato kanë përparim më të madh se 8 vendet e tjera në 2023”, ka shkruar Shasha. /Telegrafi/

2. Ranking of the 10 countries on the basis of how many times EC concluded there was “good progress” in different chapters during 2023. Best performers, if you will:

🇺🇦: 26
🇲🇩: 21
🇲🇰: 15
🇦🇱: 12
🇲🇪: 9
🇽🇰: 8
🇹🇷: 7
🇷🇸: 7
🇬🇪: 4
🇧🇦: 4

— Demush Shasha (@DemushShasha) November 8, 2023