Marrëveshja Kosovë-Danimarkë për transferimin e rreth 300 të burgosurve në burgun e Gjilanit, po konsiderohet si kriminale dhe raciste nga kryetari i Këshillit për Mbrojtjen e të Drejtave dhe Lirive të Njeriu, Behxhet Shala.
Ai thotë se kjo marrëveshje ka shkaktuar shqetësime, pasi vlerësohet si shkelje e të drejtave të njeriut.
Shala në një intervistë thotë se kjo marrëveshje nuk sjellë dobi për Kosovën, derisa thekson se të burgosurit nga Danimarka, mund të jenë kriminelë islamikë që merren me krim të organizuar.
“Ajo është marrëveshje kriminale, marrëveshje raciste. Kjo marrëveshje nuk e sjell asnjë dobi për Kosovën, sepse po i importoni të dënuar nga një shtet, i cili ka mundësi që një mijë herë më shumë se Kosova t’i trajtojë dhe t’iu jep kushte më të mira të trajtimit fizik dhe të tjera, e ata kur po heqin dorë nga ajo, po na i bien në Kosovë, po i shesin sikur mall.
Ata të burgosur, asnjëri prej tyre, 300 nuk janë shtetas danezë. Ata të gjithë janë të shteteve nga Afrika, Azia… Ata që vinë nga Danimarka mund të jenë kriminelë islamikë që janë marrë me krim të organizuar, me tregtim të narkotikëve dhe tregtim të qenieve njerëzore..Kjo është e rrezikshme, sepse eliminon punën e Shërbimit Korrektues të Kosovës dhe kjo lidhet drejtpërdrejt me sovranitetin dhe sigurinë e shtetit… Kjo marrëveshje, e cila është thellësisht e dëmshme për Kosovës, kjo është më shumë për partitë politike, sepse e keni parë se arsyetimi i Ministrisë së Drejtësisë ka qenë se Danimarka është shtet mik, i cili e ka njohur pavarësinë e Kosovës”, tha Shala.
Përveç kësaj, Shala foli edhe për të burgosurit në Kosovë, për çka kritikoi presidenten Vjosa Osmani për mos faljen e disa të burgosurve që sipas tij e meritojnë të lirohen.
Ai thotë se presidentja Osmani është në gjendje që “më përpara ta lirojë një të burgosur nga Afganistani se sa një në Kosovë”.
“Shërbimi Korrektues i Kosovës, përkundër ndërhyrjeve politike të vazhdueshme që nga përfundimi i luftës edhe tani ka ndërhyrje të madhe të shërbimit korrektues, madje Shërbimi Korrektues i Kosovës tani shumë pak i zënë shërbimet të mëparshme, megjithatë e bën një punë të mirë, për faktin se edhe të burgosurit e Kosovës janë të burgosur, jo si në vendet tjera. Ne e kemi pasur rasti t’i vizitojmë burgjet në Shqipëri dhe Mal të Zi. Besoni se dallimi me të burgosurit e Kosovës dhe Shqipërisë është sikur nata me ditë. Presidentja e Kosovës më përpara është në gjendje ta falë një të burgosur në Afganistan se një të burgosur në Kosovë – në mënyrë flagrante e shkel një mundësi që i jep Kushtetuta për t’i falë të gjithë të burgosurit dhe mos të falë asnjë të burgosur”, tha Shala.
Ndër të tjera, Shala foli edhe për pamundësinë për të vizituar ish-krerët politikë të cilët po gjykohen për krime lufte në Hagë, për çka thotë se kanë dërguar disa herë kërkesa për vizitë, por të njëjtat janë refuzuar me arsyetime të ndryshme.
Sipas tij, “Haga nuk e bën hesap as Ministrinë e Drejtësisë e as Kosovën”.
“Ne i kemi dërguar disa kërkesa për vizitë në Hagë. Haga na ka refuzuar me pretekst që një herë ka qenë pandemia, pastaj kanë qenë 100 probleme tjera. Ne nuk kemi aplikuar si vizitorë të rëndomtë, por ne i kemi treguar Hagës se ne duam të vijmë në cilësinë e monitoruesit. Haga monitorimin ia ka dhënë komunitetit ndërkombëtar të Kryqit të Kuq në Gjenevë dhe Avokatit të Popullit të Holandës, të cilët radhë herë apo asnjë herë nuk i vizitojnë të burgosurit.
Haga njëfarë mënyre as nuk i bënë hesap as Ministrinë e Drejtësisë, as Kosovën dhe as Këshillin për Mbrojtjen e të Drejtave dhe Lirive të Njeriut nuk lejon asnjë mënyrë që dikush i huaj, përjashtuar ato dy organizata, që t’i vizitojë të burgosurit. Ju e keni parë që mund të përcjellin një gjykim online përmes mjeteve të informimit, mirëpo në asnjë mënyrë nuk iu lejohen të hyjnë aty brenda dhe ta takojnë të burgosurit”, përfundon Shala.
Ndryshe, Kosova dhe Danimarka më 20 dhjetor 2021 nënshkruan një letër-pëlqim, sipas të cilit shteti danez do të merrte me qira për 10 vjet 300 qeli në Kosovë. Kjo marrëveshje ishte përcjell me kritika nga shoqatat e të drejtave të njeriut në Danimarkë./kp/
Promo
Reklamo këtuLufta Prigozhin - Putin
Më shumëFSK-ja shkoi në veri të vendit për një varrim, Maqedonci u zotua te KFOR-i se nuk kishte provokim
Vrasja e dyfishtë në Vushtrri, ekspertja thotë se i akuzuari nuk ka vepruar në gjendje të tronditjes së fortë mendore
"Përzierje në kompetenca të rezervuara të NATO-s", ish-ushtaraku flet për mosdërgimn e FSK-së në veri
Mot i vranët, në viset e ulëta riga shiu
Arjon Hasaj pranon vrasjen e Ramazan Matajt: Kishte 6 vite lidhje me motrën tonë, i prishi dy martesa
Pasaporta e Shqipërisë renditet e 43-ta në botë, shqiptarët mund të udhëtojnë në 123 vende të botës pa viza
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Çdo fëmijë e don një xhaketë të re për vit të ri!
25% zbritje në çizmet Adidas Terrex? Zgjate dorën!
Hej djem! Super xhaketa e Adidas tani vjen me zbritje ekskluzive vetëm për ju
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
Më të lexuarat
Elon Musk nuk është fans i Liverpoolit, por i rivalit të tyre më të madh në Ligën Premier
Trump paralajmëron 'pushtimin' e Grenlandës, vjen reagimi i kryeministrit të ishullit
Zarf i zi në Big Brother VIP Albania 4
Përmasa gjigante: Granit Xhaka në mbështetje të Gjestit
FSK-ja shkoi në veri të vendit për një varrim, Maqedonci u zotua te KFOR-i se nuk kishte provokim
Rina publikon fotografi krah Feros: Akoma s’ka konkurrencë, 2025