Sfera misterioze e gjetur në një plazh huton japonezët dhe shkakton një ‘stuhi’ spekulimesh

Një sferë e madhe metalike që është shfaqur në një breg në Japoni ka hutuar vendasit dhe ka shkaktuar një ‘stuhi’ spekulimesh.

Autoritetet nuk mund të thonë ende se çfarë është – madje as policia apo skuadra e bombave të dërguara për të hetuar, shkruajnë mediat e huaja, përcjell Telegrafi.

Por ajo që dihet është se është e zbrazët – dhe jo një kërcënim – dhe se është gjetur në qytetin bregdetar Hamamatsu.

Ajo ishte gjetur nga një vendas i cili lajmëroi policinë pasi vuri re objektin e pazakontë në breg.

Autoritetet rrethuan zonën dhe kryen ekzaminime me rreze X, të cilat nuk zbuluan shumë më tepër – përveç konfirmimit se objekti nuk ishte i rrezikshëm.

A mysterious metal ball spotted on a beach in Hamamatsu City this week prompted local police to scramble the bomb squad. A careful examination revealed it is not a threat — but shed no light on what it actually is. pic.twitter.com/ytClWsP0bw

— NHK WORLD News (@NHKWORLD_News) February 21, 2023

Një person që ishte në plazh tha për mediat lokale se ishte i befasuar, pasi topi kishte disa kohë aty.

“Unë u përpoqa ta shtyja atë, por nuk do të lëvizte”, citohet të ketë thënë ai.

Autoritetet lokale kanë thënë se objekti do të hiqet së shpejti.

Ky lloj zbulimi normalisht mund të mos ngjallë dyshime – por vjen mes tensioneve të krijuara për objekte të paidentifikuara që kur SHBA-ja rrëzoi një balonë të dyshuar spiune kineze në fillim të këtij muaji.

Japonia veçmas shprehu shqetësim ndaj Kinës të mërkurën në lidhje me balonat e dyshuara të vëzhgimit të pikasura mbi qiellin e saj të paktën tre herë që nga viti 2019 – një pretendim që e bëri për herë të parë javën e kaluar.

Pekini mohon pretendimet për spiunazh. /Telegrafi/