Sesioni i parë i vitit në parlamentin afgan ka përfunduar me një përleshje, ku nuk kanë munguar as grushtet, e madje as thikat.

Sipas mediave të huaja, përcjell Telegrafi, e gjitha ndodhi pasi kishte një mospajtim rreth zgjedhjes së udhëheqësit të parlamentit.

Ndërkohë janë publikuar disa pamje në të cilat thuhet se shihet se si ligjvënësit po luftonin më 19 maj, mbi zgjedhjen e biznesmenit Mir Rahman Rahmani si kryetar i dhomës së ulët të parlamentit, i njohur si Wolesi Jirga.

Trupi u takua për herë të parë që nga zgjedhjet e diskutueshme të mbajtura vitin e kaluar.

Rahmani mori 123 vota një ditë më parë për të mposhtur sfidantin Kamal Nasir Osuli, i cili kishte 55 vota, për postin e udhëheqësit.

Kështu, mbështetësit e Rahmanit e shpallën atë kryetarin e ri dhe insistuan që ai të marrë postin, gjë që nuk u pranua nga kundërshtarët e tij. /Telegrafi/