Serie A: Seedorf e Pazzini në 11-shen e javës

Giampaolo Pazzini shënoi golin e tij të parë për fitoren e parë të Interit këtë sezon (3-1 ndaj Bolognas) dhe u tregua mjaft dinamik në ballë të golit.

Pazzini shoqërohet në sulm nga sulmuesi i Fiorentinës, Alessio Cerci, dhe ai i Sienës, Emanuele Calaio, të cilët shënuan në ndeshjet e kësaj jave. Cerci shënoi përballë Parmës në mesjavë dhe u tregua i rrezikshëm edhe ndaj Napolit në fundjavë. Calaio, në anën tjetër, shënoi dy herë për fitoren e Sienës ndaj Lecces në fundjavë.

Në mesin e më të mirëve të javës nuk mungon as Clarence Seedorf, i cili i dha fitoren e parë këtë sezon Milanit ndaj Cesenas, dhe Daniele De Rossi, i cili edhe pse nuk shënoi tregoi një paraqitje të shkëlqyeshme në fitoren po ashtu të parë të Romës këtë sezon, ndaj Parmës.

Në vazhdim 11-shja më e mirë e javës (mesjavës dhe fundjavës) në Serie A:

Portier: Michael Agazzi (Cagliari)

Mbrojtës: Nicolas Spolli (Catania); Thiago Silva (Milan); Gabriel Heinze (Roma)

Mesfushorë: Ezequel Schelotto (Atalanta); Clarence Seedorf (Milan); Daniele De Rossi (Roma); Alejandro Gomez (Catania)

Sulmues: Alessio Cerci (Fiorentina); Giampaolo Pazzini (Inter); Emanuele Calaio
(Siena)

Formacioni 3-4-3

Agazzi

Spolli – Silva – Heinze

Schelotto – Seedorf – De Rossi – Gomez

Cerci – Pazzini – Calaio
/Telegrafi/