Senzacioni brazilian i futbollit, Endrick dhe e dashura e tij kanë nënshkruar një ‘kontratë’ lidhjeje me disa klauzola të çuditshme

Endrick dhe e dashura e tij, Gabriely Miranda, kanë nënshkruar një ‘kontratë’ marrëdhënieje me disa klauzola të çuditshme.

Sensacioni brazilian i futbollit, Endrick ka zbuluar se ai dhe e dashura e tij kanë nënshkruar një ‘kontratë’ marrëdhënieje që përmban disa klauzola të pazakonta. Ai mund të jetë vetëm 17 vjeç, por është e qartë se e pret një e ardhme e madhe.

Talentit të ri i bëri bujë në Brazil kur debutoi me Palmeirasin në moshën 16 vjeçaren, dhe emri i tij u bë global në dhjetor 2022 kur Real Madridi njoftoi se do të nënshkruajë kontratë me të kur të mbushë 18 vjeç këtë verë, shkruan SportBible.

Mund të jetë me rrezik kur klubet evropiane nënshkruajnë lojtarë të rinj nga Amerika e Jugut, veçanërisht kur kushtojnë më shumë se 60 milionë euro. Megjithatë, talenti i Endrick ishte i qartë për të gjithë kur shënoi në debutimin e tij me Brazilin kundër Anglisë muajin e kaluar, dhe kur shënoi një gol të shkëlqyer disa ditë më vonë kundër Spanjës.

I riu është mësuar të bëjë lajme me sukseset e tij në fushë, më pak me jetën e tij jashtë saj. Endrick është në një marrëdhënie me modelen 20-vjeçare Gabriely Miranda, dhe në një intervistë të fundit me podcastin ‘Pod Delas’, ai zbuloi se ata kanë nënshkruar një ‘kontratë’ marrëdhënieje që përfshin disa klauzola të pazakonta.

Një prej këtyre klauzolave bën të detyrueshme që Endrick dhe Miranda të thonë “Të dua” njëri-tjetrit në çdo situatë. Ka edhe disa klauzola më serioze, duke përfshirë ndalimin e çdo forme të varësisë dhe ndryshimeve drastike në sjellje. Në një intervistë me CazeTV më herët këtë vit, sulmuesi shpjegoi vendimin e tij për të mos pirë alkool.

“Unë nuk dua të pi sepse fatkeqësisht, me gjërat që kam përjetuar në familjen time, unë di se alkooli nuk është për mua”, tha ai. “Dalja për të blerë rroba është gjithashtu e ndalueshme. Prindërit më kontrollojnë nëse shpenzoj shumë, veçanërisht në video lojëra”.

Kontrata e marrëdhënieve mund të ketë ardhur nga qëllime të mira, por trajneri i Palmeirasit, Abel Ferreira është i shqetësuar për vëmendjen e medias që jeta personale e Endrick po tërheq.

“Unë shpresoj se ai [Endrick] qëndron i fokusuar në futboll dhe nuk shpërqendrohet nga gjërat e tjera”, tha Ferreira pas humbjes së Palmeirasit kundër Internacionalit këtë javë. “Nëse dëshiron të arrish nivele më të larta, duhet të përqendrohesh në atë që është thelbësore”. /Telegrafi/