Folarin Balogun është padyshim sensacioni i këtij sezoni në elitën e futbollit francez Ligue 1.
Sulmuesi anglez është huazuar nga Arsenali te Stade Reims dhe ka shkëlqyer, ku në 29 ndeshje në Ligue 1 ka realizuar 18 gola dhe ka asistuar në tre të tjerë.
Por përkundër që ka kontratë me Arsenalin deri në verën e vitit 2025, Balogun nuk pritet të rikthehet në Londër, pasi ofertat për të janë të shumta.
21-vjeçari ka oferta nga katër kampionate të ndryshme si Ligue 1, Liga Premier, Serie A dhe Bundesliga.
Monaco, Lyon dhe Olympique Marseille e duan qëndrimin e tij në elitën e futbollit francez, derisa skuadrat si Milan, Roma dhe Atalanta po e kërkojnë në Serie A.
Balogun është dëshirë edhe e skuadrave angleze si Everton, Newcastle United, Aston Villa e West Ham United.
Ndërkohë në Gjermani sulmuesi qendror kërkohet nga Union Berlin, Eintracht Frankfurt, Borussia Dortmund, RB Leipzig dhe Borussia Moenchengladbach.
Arsenali janë të gatshëm ta shesin yllin e tyre, por vetëm nëse vije një ofertë mbi 40 milionë euro. /Telegrafi/
