Gjithçka varet nga simptomat e para!

Njihni ndryshimin midis sëmundjes celiake dhe intolerancës ndaj glutenit!

Sëmundja celiake është një çrregullim autoimun gjatë gjithë jetës. Te njerëzit me predispozicion gjenetik, sistemi imunitar, duke reaguar ndaj glutenit, çon në dëmtimin e mukozës së zorrës së hollë, transmeton Telegrafi.

Përveç dëmtimit të mukozës së zorrës së hollë, sistemi imunitar i aktivizuar në mënyrë joadekuate mund të dëmtojë edhe çdo organ tjetër. Nga ana tjetër, ka një intolerancëi ndaj glutenit, veçanërisht grurit, të cilën shumica e ngatërrojnë me sëmundjen celiake.

Alergjia ndaj grurit është një reagim i mbindjeshmërisë ndaj ushqimit, i cili shfaqet pas marrjes së proteinave (albuminës, globulinës, glutenit) të grurit dhe drithërave të ngjashme me to (thekra, elbi, tërshëra).

Duke qenë se manifestimi klinik i një reaksioni alergjik është pasojë e përgjigjes ndaj proteinave të ndryshme të grurit, dhe jo vetëm ndaj glutenit, është më saktë që kjo gjendje quhet alergji ndaj grurit dhe jo ndaj glutenit.

Si t’i dalloni këto gjendje, pasi simptomat janë shumë të ngjashme? Të dyja sëmundjet kërkojnë eliminimin e ushqimeve që përmbajnë gluten.

Në rastin e alergjive ushqimore me gluten, trupi reagon, si rregull, brenda pak minutash ose orëve pas konsumimit të një produkti që përmban proteina bimore. Simptomat shfaqen menjëherë dhe nuk kanë një efekt kumulativ, gjë që ndihmon në identifikimin e pranisë së saj.

Simptomat e alergjisë ndaj grurit përfshijnë nauze, të vjella, dhimbje barku, diarre, skuqje dhe kruajtje të lëkurës, angioedemë, kongjestion nazal, rrufë, gulçim dhe në raste të rralla, anafilaksi.

Ndërsa, sëmundja celiake – është mjaft e vështirë të identifikohet nga simptomat e saj.

Nuk ka shenja specifike të sëmundjes celiake dhe pasqyra klinike është shumë e ndryshueshme. Simptomat mund të shfaqen gradualisht dhe të rriten me përdorimin e ushqimeve që përmbajnë gluten.

Sëmundja celiake mund të çojë në shtim të lehtë në peshë tek foshnjat dhe fëmijët e vegjël, por edhe humbje peshe në adoleshentët dhe përveç kësaj, ka fryrje, diarre të rënda, oreks të dobët, anemi. Por simptoma të tilla mund të tregojnë edhe disa sëmundje të tjera, ndaj është e rëndësishme të bëhen analiza të hollësishme përpara se të vendoset diagnoza.

Çelësi për të luftuar të dyja këto gjendje është dieta, që do të thotë se është e nevojshme të eliminohen ushqimet që përmbajnë gluten. /Telegrafi/