LAJMI I FUNDIT:

Sekuestrohet një armë në Mitrovicë

Sekuestrohet një armë në Mitrovicë

Si rezultat i hetimeve intensive, hetuesit në kuadër të stacionit policor ‘Jugu’ në Mitrovicë, njoftojnë se në orët e mesditës së sotme kanë arritur që nga njëri nga të dyshuarit e rastit të djeshëm të gjejnë dhe të sekuestrojnë një armë të llojit pistoletë, e cila dyshohet se është përdorur ditë më parë në rastin e përleshjes ndërmjet disa të rinjve.

Sipas njoftimit për media i dyshuari nga i cili është marrë arma është intervistuar, më pas është liruar për procedurë të rregullt, ku ndaj tij është iniciuar rast për ‘përdorim të armës’, ‘armëmbajtje pa leje’ dhe ‘shkaktim i rrezikut të përgjithshëm’.

Ndryshe, dje rreth orës 07:00, Policia në Mitrovicë ka pranuar informacion për një përleshje fizike në mes të disa të rinjve të moshës së mitur në rrugën e ‘UÇK-së’ në Mitrovicë.

Në përleshje ishin të përfshirë nëntë persona të moshës së mitur dhe si pasojë e përleshjes një nga të përfshirët në përleshje ka pësuar lëndime trupore, i cili ka kërkuar tretman mjekësor në spitalin rajonal në Mitrovicë.

Hetuesit policorë, në cilësi të provave materiale, në vendin e ngjarjes, kanë gjetur dhe kanë konfiskuar një gëzhojë e cila dyshohet të jetë shkrepur nga të përfshirët në përleshje./Telegrafi/

Në trend Lajme

Më shumë
Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Dygjuhësia duhet të merret si avantazh, jo problematikë te fëmijët – Pervizaj flet për hulumtimet e fundit

Elfije Boletini
Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Deklaratat për zgjedhje, Konjufca: Mazhoranca nuk ka vullnet që vendi të shkojë në zgjedhje përmes dorëheqjes së Qeverisë

Lajme
Lajçak me post të ri nga shtatori

Lajçak me post të ri nga shtatori

Lajme
IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

IKShPK: Regjistrohen 8 raste të Kollës së mirë në Kosovë, prindërit t'i vaksinojnë fëmijët

Shëndetësi
RTK: Ambasadori Berishaj po intervistohet nga Prokuroria Speciale

RTK: Ambasadori Berishaj po intervistohet nga Prokuroria Speciale

Drejtësi
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori