Scaroni: Stadiumi i ri i Milanit është prioritet pas rezultateve në Ligën e Kampionëve

Presidenti i Milanit, Paolo Scaroni këmbëngul se një stadium i ri për kuqezinjtë dhe rivalët e tyre të qytetit, Interin, është një prioritet, veçanërisht pas arritjeve të tyre në Ligën e Kampionëve.

Djelmoshat e Stefano Piolit janë kualifikuar në çerekfinale të Ligës së Kampionëve për herë të parë pas 11 vitesh, duke mposhtur Tottenhamin e Antonio Contes me rezultat të përgjithshëm 1-0.

Interi dhe Napoli janë gjithashtu në mesin e tetë klubeve më të mira në Evropë këtë sezon dhe ata mund të takohen në çerekfinale në shortin e së premtes.

Lexo po ashtu Milani shtyn përpara planet e reja të stadiumit pa Interin

“Pa dyshim, një derbi evropian do të ishte një ngjarje globale, do të thoshte shumë për qytetin e Milanos, i vetmi qytet në Evropë me dy klube në këtë nivel në Ligën e Kampionëve”, ka thënë fillimisht Scaroni për Gazzetta dello Sport.

“Ky rezultat konfirmon prioritetin për t’i dhënë klubeve një stadium të ri, për të vazhduar konkurrencën në skenën ndërkombëtare”.

Scaroni: “Milano unica città con due squadre in Champions: conferma l’urgenza dello stadio” https://t.co/TJ2lmWKtXv

— MilanNews.it (@MilanNewsit) March 16, 2023

Interi dhe Milani po punojnë në dy projekte të ndryshme për një stadium të ri dhe kuqezinjtë duken të vendosur të ndërtojnë arenën e tyre pa Interin në zonën e La Maura, jo shumë larg nga San Siro. Interi ende shpreson se Milani do të pranojë të ndërtojë stadiumin e ri me ta në San Siro.

Scaroni nuk është i bindur se një derbi italian në çerekfinale do të ishte një gjë e mirë për futbollin italian.

Lexo po ashtu Drejtori i Interit, Marotta shpreson të takohet me Milanin në finalen e Ligës së Kampionëve

“Unë do të doja që të gjitha klubet e Serie A të kenë një shans për t’u kualifikuar në gjysmëfinale, do të ishte një sukses i madh,” tha ai.

“Tetë klubet e mbetura në garë janë më të mirët në futbollin evropian, ne jemi gati për një ndeshje të menduar por emocionuese pavarësisht kundërshtarit”, përfundoi presidenti i Milanit.

Nga ana tjetër, drejtori i Interit, Beppe Marotta tha se takimi me Milanin në çerekfinale do të ishte i mirë, edhe nëse gjëja më e mirë do të ishte një derbi evropian në finalen e Stambollit. /Telegrafi/