Saudin Maliqi është tërhequr nga gara për drejtor të Shërbimit Spitalor Klinik Universitar.

“Konkursi për drejtor të ShSKUK sa e humbi kuptimin, tërhiqem nga gara e konkurrimit të mëtejmë”, ka thënë shkurt Maliqi për RTV Dukagjinin.

Televizioni ka raportuar se në garë tashmë është rikthyer edhe ushtruesi i detyrës së SHSKUK-së Valbon Krasniqi.

Në njoftimin e parë nga SHSKUK ishte raportuar se Valbon Krasniqi nuk kishte plotësuar kushte për drejtor të ShSKUK.

Ndryshon lista e kandidatëve, Valbon Krasniqi hyn në garë për drejtor të SHSKUK-së Ndryshon lista e kandidatëve, Valbon Krasniqi hyn në garë për drejtor të SHSKUK-së

Sipas njoftimit të publikuar më datë 20 janar nga SHSKUK, thuhej se Valbon Krasniqit i mungon përvoja menaxheriale sipas kritereve të konkursit.

Valbon Krasniqi nuk plotëson kriteret për pozitën e drejtorit të SHSKUK-së, nuk e kalon konkursin Valbon Krasniqi nuk plotëson kriteret për pozitën e drejtorit të SHSKUK-së, nuk e kalon konkursin

Në këtë listë pos Saudin Maliqit, ish-këshilltar i ministrit Armend Zemaj; janë edhe Gani Halilaj, ish-kandidat për deputet nga PDK; Driton Ukmata, ish-këshilltar i Basri Sejdiut i zgjedhur në kohën e Uran Ismajlit; Basri Lenjani, ish-kandidat për deputet nga AAK dhe Valbon Krasniqi, ish-kandidat për deputet nga PDK./Telegrafi/