Salah ‘gjuan topin’ kah kryesia e klubit: Sa më përket mua, do të luaj te Liverpooli deri në fund të karrierës

Mohamed Salah dëshiron të kalojë pjesën tjetër të karrierës së tij në Liverpool, por shton se e ardhmja e tij “varet nga klubi”.

Klubi ka rënë dakord me disa nga lojtarët e vjetër këtë vit, duke nënshkruar kontrata të reja, por Salah është i vetmi që nuk e ka bërë edhe pse ka edhe dy vjet nga kontrata e tij.

Negociatat nuk kanë ndikuar në paraqitjet e 29-vjeçarit, me egjiptianin që shënoi 12 gola në 11 paraqitje në klub këtë sezon, duke e ndihmuar Liverpoolin të jetë në vendin e dytë në Ligën Premier përpara ndeshjes të së dielës këtë fundjavë me Manchester United.

Mo Salah ka folur për Sky Sports, duke dhënë mendimet e tij për të ardhmen me Liverpoolin.

“Nëse më pyet mua, do të doja të qëndroja deri në ditën e fundit të karrierës sime futbollistike, por nuk mund të them shumë për këtë – nuk është në duart e mia”.

Lexo po ashtu Ole Gunnar Solskjaer konfirmon fjalët e Jurgen Klopp për Mo Salah, gjë që nuk do t’i pëlqejë Crisitano Ronaldos

“Varet nga ajo që dëshiron klubi, jo nga unë”.

“Për momentin nuk mund ta shoh veten duke luajtur ndonjëherë kundër Liverpool. Kjo do të më trishtonte. Është e vështirë, nuk dua të flas për këtë, por do të më trishtonte vërtet”.

“Për momentin nuk e shoh veten duke luajtur kundër Liverpoolit, por le të shohim se çfarë do të ndodhë në të ardhmen”, deklaroi ai. /Telegrafi/