Sabu – spiun shembull

Siç shkruan Wall Street Journal i cili ka ardhur deri te dokumentet nga gjykata e në lidhje me procesin të cilin FBI po e vijon mbi anëtarin e LulzSec, grupit të hakerëve i cili kishte planifikuar mbi 300 sulme në faqe dhe shërbime të ndryshme në SHBA dhe jashtë vendit, nuk ka spiun më të madh se hakeri-tradhëtar.

Në të vërtetë, sipas rekomandimit të prokurorit shtetërorë: “Praktikisht nga dita e parë kur është arrestuar, Monsegur (Hextor Xavier Monsegur – Sabu) ishte shumë bashkëpunues me agjencitë qeveritare. Madje rinte i zgjuar tërë natën duke komunikuar me hakerët tjerë për të ndihmuar njerëzit e qeverisë për të grumbulluar materialin për padi”.

Monsegur, nga ana tjetër, është arrestuar gjatë muajit qershor të vitit të kaluar, por ishte lëshuar dhe ishte vendosur nën përcjelljen e agjentëve të FBI-së, për të ju ndihmuar atyre për të zbuluar anëtarët e LulzSec. Dosja e tij është mbyllur me urdhër të gjykatës, me cilën gjë praktikisht u bë sekret ashtu që askush jashtë operacionit nuk do të mund të merrte vesh për arrestimin dhe lëshimin gjë kjo e cila padyshim që do të bënte anëtarët e LulzSec që të dyshojnë.

Duke iu falënderuar sakrificës së Monsegnurit, FBI ka ngritur paditë kundër ish kolegëve të tij: Rayan “Kayola” Ackroyd, Jake “Topiary” Davis, Darren “pwnsauce” Martyn, Donncha “palladium” O’Cearrbhail, Jerremy “Anarchacs” Hammond.

Monsegur përndryshe është 28-vjeçar i papunë baba i dy fëmijëve i cili jeton me ndihma sociale në New Yorkun lindorë dhe sipas pohimeve mu për shkak të fëmijëve pranoi të bashkëpunoj me FBI-në. /Telegrafi/