Sa është e sigurt? Si të përdorni pilulat për të vonuar menstruacionet?

Shtyrja e ciklit në disa situata tingëllon si një ide e shkëlqyeshme dhe pilulat për këto qëllime përdoren për të vonuar menstruacionet

Është me rëndësi të dini si ato ndikojnë, si merren në mënyrën e duhur por edhe a mund të shkaktojnë ndonjë pasojë.

Pilulat për shtyrjen e ciklit përmbajnë norethisterone, i cili është formë sintetike e progesteronit – hormonit organit gjenital femëror, transmeton Telegrafi.

Teprica e këtij hormoni në trup ndikon në shtyrjen e ovulacionit dhe për shkak të kësaj nuk vijnë menstruacionet.

Nëse nuk dëshironi të keni menstruacione kur jeni me pushime, është e nevojshme që t’i merrni këto pilula tri herë në ditë, gjithmonë në kohën e njëjtë.

Ato nuk ndalin gjakrrjedhjen menjëherë pas dozës së parë, andaj është e nevojshme t’i merrni së paku tri ditë para fillimit të ciklit.

Nëse edhe pas kësaj nuk janë të mjaftueshme, sepse dy-tri ditë pasi pushoni të merrni terapinë mund të prisni gjakrrjedhje, merrni vazhdimisht aq sa dëshironi t’i vononi menstruacionit, por jo më shumë se 21 ditë.

Pasojat që mund të nxisin pilulat të vonojnë menstruacionet

Përvoja me pilulat e vonesës së ciklit kryesisht janë pozitive dhe efektet anësore më të zakonshme mund të jenë:

▪ Menstruacione më të bollshme pas përdorimit të terapisë
▪ Dhimbje koke
▪ Shtrëngim në gjoks

Gjithashtu duhet të keni parasysh se çdo organizëm reagon në mënyrën e vet, por edhe që asnjë nga pilulat hormonale nuk duhet të merret lehtë dhe vetë, ndaj është mirë që të konsultoheni me mjekun përpara se të nxitoni në farmaci për t’i blerë. /Telegrafi/