Nafta e papërpunuar vazhdon të rritet, duke u tregtuar pranë nivelit më të lartë në më shumë se tre javë, mbështetur nga ndërprerja e furnizimit nga Irani dhe Venezuela.

Aktualisht një fuçi nafte e papërpunuar po tregtohet me 69.73 dollarë.

Inventarët bruto të tregtisë amerikane ranë me 2.6 milionë fuçi në javë dhe prodhimi ishte i sheshtë nga rekordi i javës së kaluar 11 milionë fuçi në ditë, përcjell Telegrafi.

Organizata e Vendeve Eksportuese të Naftës (OPEC), nga të cilat Irani është prodhuesi i tretë më i madh, do të diskutojë në dhjetor nëse mund të kompensojë një rënie të papritur të furnizimit të naftës iraniane pasi sanksionet e SHBA-së kundër Teheranit fillojnë në nëntor. Eksportet e naftës bruto të Iranit pritet të bien në pak më shumë se dy milionë fuçi në ditë, kundrejt një kulmi prej 3.1 milionë fuçi në ditë që ishte në muajin prill, pasi importuesit përkulen ndaj presionit amerikan për të ekzekutuar urdhrat.

Agjencia Ndërkombëtare e Energjisë paralajmëroi për një treg të shtrënguar në fund të vitit, për shkak të një kombinimi të shqetësimeve të furnizimit, si Irani dhe Venezuela dhe kërkesa të forta sidomos në Azi. /Telegrafi/