Rrëzohet aeroplani në rrugën e mbushur me vetura e këmbësorë, shpëton piloti pa ndonjë lëndim serioz (Video)

Në Lima të Perusë ka ndodhur një ngjarje e pazakontë, një aeroplan është rrëzuar në mes të një rruge të mbushur me vetura dhe kalimtarë rasti, kurse ky moment dramatik është filmuar me telefon të mençur dhe është publikuar në internet.

Në pamjet e publikuar më poshtë shihet se si derisa qytetarët po ecnin nëpër trotuare, piloti i aeroplanit të vogël humb kontrollin dhe në një moment rrëzohet në mes të rrugës, por ishin telat e shtyllave elektrike që ia ndalën hovin aeroplanit gjatë rrëzimit, transmeton Telegrafi.

Kur kalimtarët e rastit panë aeroplanin duke bërë lëvizje të pazakonte mbetën të habitur, madje shumë që ishin brenda shtëpive dhe lokale dolën jashtë për të parë se çfarë po ndodh.

E kur panë se aeroplani ra në rrugë, vrapuan për ta ndihmuar pilotin që raportohet të jetë personi i vetëm që ishte brenda fluturakes dhe që ka shpëtuar pa ndonjë lëndim serioz. Megjithatë pasojat do të ishin më të mëdha sikur piloti të mos reagonte në kohë për ta shmangur përplasen mbi turmën. /Telegrafi/

https://www.youtube.com/watch?v=nm38T6TPSWI