Sport Futboll Ndërkombëtare

Rregullat e reja të futbollit: Më shumë VAR, penalltitë, loja me dorë dhe kartonët

Para 5 vitesh

Në muajin shkurt, Bordi i Shoqatës Internacionale të Futbollit (IFAB) dhe organi qeverisës i FIFA-së, miratuan rregulloret e reja që do të aplikohen nga 1 korriku, por sigurisht që është në pritje për ecurinë e ngjarjeve apo fillimin e sezonit të ri.

Këto rregulla kanë qenë zyrtare që nga e mërkura, por ajo që bie në sy është ajo që është në rrugë të mbarë, e cila nuk është gjë tjetër veçse dëshira për të modifikuar rregullin e pozitës jashtë loje, në një ‘dëshirë për të inkurajuar shënimin e golave’.

Për më tepër, IFAB po përpiqet të gjejë një formulë për t’i dhënë fund grumbujve në masë rreth gjyqtarit.

Debati në asamblenë e 134-të në Belfast u zhvillua edhe rreth prekjes së topit me dorë.

IFAB dëshiron të bëjë të qartë se prekje e topit me dorë konsiderohet çdo top që prek nën sqetull.

“Nëse një lojtar prek topin me dorën e tij rastësisht, ai do ndalet vetëm nëse topi shkonte në gol ose ishte një mundësi e dukshme e shënimit të golit”, thuhet në njoftim.

⚽️ Complete list plus explanations of all changes to the Laws of the Game 2020/21 is now available for download in English, French, German, and Spanish:

➡️https://t.co/pDes9z493k pic.twitter.com/KBqfkhRwDe

— The IFAB (@TheIFAB) April 8, 2020

Monitori i VAR-it të shikohet më shpesh

Rregullat në lidhje me VAR-in gjithashtu do të marrin një kthesë dhe gjyqtarët do të nxiten të shkojnë më shumë për të shqyrtuar lojën në monitor.

Gjyqtari i VAR-it lejohet të këshillojë gjyqtarin kryesor për këtë, duke përshkruar atë që ai sheh, por gjithmonë është gjyqtari kryesor që merr vendimin përfundimtar, megjithëse ai mund të japë versionin e tij. Sa i përket gabimeve të dukshme, asgjë nuk ndryshon.

Nëse loja nuk është e ndalur, gjyqtari pushon së luajturi kur topi të jetë në një zonë neutrale ose situatë (normalisht kur asnjëra skuadër nuk sulmon) dhe më pas bën shenj që do ta shikoj VAR-in. Insistohet që dialogët në dhomën e VAR-it të mos bëhen publike.

Penalltitë dhe gjuajtjet e penalltive

Nëse portieri shkel rregullat kur goditet penalltia dhe topi nuk futet brenda ose nuk godet shtyllën apo traversën, portieri nuk ndëshkohet nëse veprimi i tij nuk ndikon qartë lojtarin që godet penalltinë.

Shumica e rasteve kur portieri del nga porta janë rezultat i dështimit për të parashikuar kur topi do të goditet.

Nëse si portieri, ashtu edhe goditësi i penalltisë kryejnë një vepër në të njëjtën kohë (një rrethanë jashtëzakonisht e pamundur) atëherë goditësi do të ndëshkohet.

Paralajmërimet e marra gjatë ndeshjes nuk do të merren parasysh në gjuajtjet e penalltive.

Kartonët

Nëse gjyqtari jep një avantazh kur është kryer një shkelje që ka për qëllim të parandalojë një mundësi të dukshme të shënimit të golit, kartoni i kuq bëhet karton i verdhë; në mënyrë të ngjashme, nëse gjyqtari jep avantazh pas një shkelje që ndërhyn ose përfundon duke ndërhyrë në një lojë të qartë sulmuese, kartoni i verdhë nuk tregohet.