“Rregullat e FIFA-s janë të qarta”, Giresse e komenton vendimin e Kurtulusit për t’u larguar nga Kosova

Përzgjedhësi i Kosovës, Alain Giresse e konfirmoi në konferencën për media se mbrojtësi Edvin Kurtulus iu është bashkuar kombëtares së Suedisë, ndërsa më vonë edhe e komentoi atë.

Kurtulus ishte kapiten i Kosova U21 dhe së fundmi u ftua edhe nga ekipi A i Kosovës nga Giresse. Megjithatë, Kurtulus ka vendosur të mos i bashkohet Kosovës, por Suedisë, aty ku edhe luan futboll profesionist me Hammarby.

Vendimin e Kurtulusit e ka komentuar edhe përzgjedhësi i Kosovës, Giresse, i cili ka thënë se ndihet i zhgënjyer, por nuk mund t’i ndryshoj gjërat.

Lexo po ashtu Giresse konfirmon largimin e Edvin Kurtulus nga Kosova te Suedia

“Jam i zhgënjyer, por s’mund të shkoj në Suedi dhe ta thërras atë. Fakti që ne e kemi ftuar të luajë për Kosovën nuk do të thotë se do të kishte minutazh”, ka thënë fillimisht Giresse në konferencë.

“I kam bisedat me të. Ai ishte i kënaqur për vendimin që e ka marrë për të luajtur me ne. Por, në fund, vendimi iu takon lojtarëve”.

“Ajo çka mund të bënim ne është se e kemi ftuar”.

“Rregullorja e FIFA-s e përcakton qartë që asnjë lojtar mund të bllokohet nëse nuk e zhvillon asnjë ndeshje me atë ekip”.

Lexo po ashtu “Pse të mos jemi në vendin e parë”, Giresse flet për objektivin e Kosovës

“Po ashtu, FIFA e lejon që një lojtar të kalojë nga grupmoshat e një kombëtareje në tjetrën”.

“Unë qeshem me këtë. Por, natyrisht, jam i zhgënjyer me këtë situatë. Edhe pse jam i zhgënjyer, është zgjedhja e tij”, përfundoi përzgjedhësi francez. /Telegrafi/