Psikologja Selvi Idrizi ka trajtuar më shumë se 400 raste që kanë qenë viktima të dhunës seksuale gjatë luftës në Kosovë.
Ajo më parë kishte punuar si psikologe në shkollë, por nevoja për të trajtuar rastet e luftës e ka detyruar atë të ndryshojë ambient.
Idrizi thotë se nuk ka qenë e lehtë ta bëjë një gjë të tillë.
“Në fillim edhe unë bashkë me viktimat jam traumatizuar”, tregon ajo për RTV Dukagjinin.
Ajo thotë se ata që ishin torturuar, burgosur, rrahur apo raste të tjera nuk e kishin problem të rrëfejnë historinë e tyre por trajtimi i atyre që ishin të ekspozuar ndaj dhunës seksuale ishte më ndryshe.
Psikologia thotë se pas vitit 2010 situata me këta persona është përmirësuar dhe kanë filluar të rrëfejnë dhimbjen e tyre.
Sipas saj kjo ka ndodhur për shkak se në politikë kanë ardhur më shumë gra.
Personat e dhunuar në luftë sot përballen me stigmatizimin e shoqërisë.
“Barriera kryesore e tyre është stigma me të cilën përballen. Stigma më e theksuar ka qenë ajo e familjes. Në vend se familjarët të jenë mbështetës ata kanë qenë abuzues. Ata i kanë izoluar personat e dhunuar apo vajzat e reja i kanë martuar me persona të moshuar. Ne kemi një grup të vajzave të dhunuara që nuk kanë arritur të martohen apo krijojnë familje. Jo që nuk kanë dashur por që kur kanë treguar se çfarë iu ka ndodhur kanë qenë të papranueshme”.
Idrizi thotë se shumica e viktimave thonë se nuk kanë pasur mbështetjen e familjes sikurse të Vasfije Krasniqit.
Psikologja thotë se prej rreth 700 të mbijetuarve që janë të regjistruar, 77 janë burra.
“Ata e kanë edhe më të vështirë se gratë të rrëfehen. Ata e kanë shumë të vështirë të verbalizojnë dhunën seksuale ndaj tyre. Burrat për dallim nga gratë nuk mund të tregojnë dhunën seksuale ndaj tyre qysh në takimin e parë”.
Idrizi tregon se në organizatën ku punon ka pasur raste kur janë trajtuar edhe persona që janë dhunuar derisa ishin në moshën 9-vjeçare.
“Përshkrimi i të dhunuarës 9-vjeçare është jashtëzakonisht i rëndë. Ajo është larguar nga nëna dhe është vendosur në një ambient shkolle. Aty është dhunuar nga dy persona, që thotë se kanë qenë me uniforma policore. Ajo në moshën madhore është njoftuar me të dashurin dhe familja e kanë ndjerë të nevojshme që burri i saj i ardhshëm të dijë se çfarë i ka ndodhur. Aty asaj i është rindezur trauma. Pastaj ajo ka filluar të vijë në organizatë dhe të trajtohet”.
Psikologja tregon se për fat të keq trauma nga nëna është bartur edhe të fëmijët në shumë raste./Telegrafi/
Lufta Prigozhin - Putin
Më shumëKush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Të shtëna me armë në Lupç të Podujevës, katër të plagosur
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Ndalohen për 48 orë pesë të dyshuar për rastin e plagosjes në Lupç
Vdes në vendin e punës punëtorja e një furre të bukës në Mitrovicën e Veriut
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit