Rrëfehet një nga viktimat e abuzimit të Russell Brand: Më sulmoi seksualisht dhe më detyroi t’i laja dhëmbët aq fort deri sa mishrat m’u gjakosnin

Një grua që kishte një lidhje gjashtëmujore me Russell Brandin ka pohuar se ishte sulmuar seksualisht nga komediani dhe prezantuesi, më vonë duke rrëfyer incidentin në një libër të vetëbotuar.

Jordan Martini thotë se ajo nisi lidhjen në shkurt të vitit 2007, kohë gjatë së cilës ajo pretendon se ai e kishte nënshtruar atë ndaj abuzimit emocional, e bëri atë të lante dhëmbët aq fort sa që mishrat e saj t’i rrjedhnin gjak në mënyrë që puthja të ngjante si “anonime” (t’i dukej sikur puthja të mos kishte identitet) dhe e sulmoi seksualisht.

Në një libër që botoi shtatë vjet pas përfundimit të marrëdhënies, të titulluar “kNot: Entanglement with a Celebrity”, ajo përshkroi se si u shpalos lidhja, duke e riemërtuar veten në llogari si “Dina” dhe Brandin si “Randall Grand”, shkruan DailyMail.

Një incident në hotelin “The Lowry” në Mançester, thotë zonja Martin, e pa Brandin të zemëruar kur zbuloi se ajo kishte qenë në kontakt me një ish-të dashur, duke i rrëmbyer asaj një telefon dhe duke e grisur kutinë për të shqyer baterinë.

Lexo po ashtu Russell Brand akuzohet për përdhunim, sulm seksual dhe abuzim emocional nga katër gra

Ajo u tërhoq në një lavaman diku tjetër në dhomë dhe Brandi, ajo shkruan: “Nuk thotë asnjë fjalë. Ai qëndron aq afër saj. Ai e rrëshqet dorën poshtë në pjesën e përparme të xhinseve të saj të varura dhe në të brendshmet e saj”.

Më tej, zonja Martin shkroi se ajo “nuk ishte gati për këtë ndërhyrje”, duke shtuar se nuk ishte “sensuale apo e këndshme”.

Brandi, tha ajo, më pas dyshohet se doli nga dhoma pa thënë asgjë, duke e lënë atë të ndihej “e hutuar, e pakëndshme dhe pak e shtangur”.

Diku tjetër në libër, ajo pretendon se Brandi dikur e detyroi të lante dhëmbët deri në pikën që mishrat e dhëmbëve iu gjakosën.

Ajo shkroi se prezantuesi ‘shtyn kufijtë, duke kontrolluar njerëzit e tjerë për të përmbushur perversitete personale për hir të dominimit, ose për hir të diçkaje’.

Dyshja jetuan së bashku për një kohë të shkurtër para se lidhja të merrte fund. /Telegrafi/