Prokuroria Themelore në Prishtinë, ka kërkuar paraburgim ndaj tetë personave që janë përfshirë në rrahjen e djalit të politikanit serb, Nenad Rashiq.

Nga tetë të dyshuarit, shtatë prej tyre sot do të dalin para gjykatës, ndërsa tjetri person i dyshuar për këtë rast është i mitur.

Lajmin për Telegrafin e ka konfirmuar, zëdhënësja e Gjykatës Themelore në Prishtinë, Mirlinda Gashi.

Rashiq jep detaje të sulmit ndaj djalit të tij, thotë se Prokuroria po merret me rastin Rashiq jep detaje të sulmit ndaj djalit të tij, thotë se Prokuroria po merret me rastin

Gashi ka thënë se seanca do të mbahet në orën 10:30 dhe të njëjtit do të dalin para gjykatës në Graçanicë, meqenëse rasti është kryer në atë komunë.

Nenad Rashiq dje në një konferencë për media ka treguar se djali i tij, Nikolla Rashiq është sulmuar nga një grup i të rinjve me shufra të hekurta.

Ai ka thënë se djali i tij ka pësuar dëmtime të rënda në fytyrë dhe në kokë, ku i janë thyer tre dhëmbë si dhe ka pasur gjakderdhje të madhe. /Telegrafi/