Roblox duket se është kthyer të dielën në mbrëmje, pas një ndërprerjeje që filloi të enjten

Roblox duket se është kthyer në internet që nga mbrëmja e së dielës, pas një ndërprerjeje që filloi të enjten.

Platforma jashtëzakonisht popullore e krijimit të lojërave fillimisht filloi të kishte probleme rreth orëve të mbrëmjes më 28 tetor, shkruajnë mediat e huaja, përcjell Telegrafi.

Roblox fillimisht tha se “po punonte shumë për t’i kthyer gjërat në normalitet” dhe se kishte identifikuar “shkakun rrënjësor si një problem të brendshëm të sistemit”.

Të dielën, kompania tha në një postim në Twitter se kishte identifikuar shkakun rrënjësor të çështjes dhe një zgjidhje, por nuk dha hollësi se cilat ishin ato.

Në një deklaratë për The Verge të shtunën vonë, Roblox konfirmoi se platforma e saj nuk ishte dëmtuar për shkak të një “ndërhyrjeje të jashtme” dhe se kompania po punon për të zgjidhur ndërprerjen e madhe.

“… Ne jemi në proces të kryerjes së punës së nevojshme inxhinierike dhe mirëmbajtjes për të rikthyer dhe funksionuar Roblox sa më shpejt të jetë e mundur. Kërkojmë ndjesë që komuniteti ynë nuk mund të jetë në Roblox gjatë kësaj kohe”.

Roblox është shumë popullor, veçanërisht me fëmijët – më shumë se 50 për qind e lojtarëve të Roblox janë nën moshën 13 vjeç.

Më shumë se 40 milionë njerëz e luajnë atë çdo ditë dhe popullariteti i tij u rrit gjatë vitit 2020 gjatë pandemisë. /Telegrafi/