Robertson i lumtur që Shaqiri është përshtatur kaq shpejt te Liverpooli

Mbrojtësi i Liverpoolit, Andrew Robertson, e ka lavdëruar Xherdan Shaqirin për përshtatjen e shpejtë me Reds.

Skocezi e kupton se ka dëshpërim në skuadër për ata që nuk luajnë nga minuta e parë, por kur futen ata japin maksimumin dhe kjo është në të mirë të skuadrës.

“Ai po i kthen shanset në mirën e vet. Ai ka mësuar mënyrën e lojës tonë. Ka qenë fantastik gjatë gjithë sezonit, këtë e tregojnë edhe statistikat”.

“E shikon bankën rezervë dhe aty ka fytyra të dëshpëruara që nuk luajnë nga fillimi, kjo është bukura të kesh një skuadër të mirë”.

“Shaq futet në lojë dhe i tregon të gjithëve se çfarë mund të bëjë, shënon dy gola dhe rrëmben titujt. Por, edhe zëvendësuesit tjerë kanë bërë mirë, Hendo u fut dhe fitoi çdo ndërhyrje në top dhe nuk humbi asnjë duel në ajër ndaj Fellainit“.

Lexo po ashtu Shaqiri: Nuk erdha nga një familje e pasur, babai im ishte punonjës i rrugëve dhe gjithashtu u përkujdes për familjen tonë në Kosovë

“Këta djelmosha që para ndeshjes ishin të dëshpëruar, u futën dhe bën një diferencë të madhe. Ishte një paraqitje fantastike në të gjitha aspektet”, ka thënë Robertson.

Shaqiri është paraqitur në 13 ndeshje në Ligën Premier, gjashtë nga ato kanë ardhur nga banka rezervë. Përkundër kësaj ai ia ka arritur të shënojë pesë gola dhe të dhurojë dy asistime në 627 minuta lojë. /Telegrafi/

https://youtu.be/EohDp5dEU2s?t=15