Riz Ahmed tregon se ka humbur dy anëtarë të familjes si pasojë e coronavirusit

Riz Ahmed së fundmi ka njoftuar se ka humbur dy anëtarë të familjes nga virusi vdekjeprurës COVID-19.

Ahmed, i cili lindi në Londër në një familje britanike pakistaneze, i tha GQ Hype: “Kam humbur dy anëtarë të familjes nga COVID-19. Unë dua të besoj se familjarët e mi dhe të tjerët nuk vdiqën për asgjë. Ne duhet të shkojmë përpara për të rizgjuar një të ardhme më të mirë”.

Ai më parë zbuloi se xhaxhai i tij, Shakeel kishte vdekur në fundjavën e 4 prillit, duke e përshkruar atë si një ‘legjendë në komunitetin e tij që do i mungojë shumë njerëzve’.

“Unë po shoh raporte të Indisë, ku qeveria po e quan atë ‘korona-xhihad’ dhe ata po përpiqen ta fajësojnë në përhapjen e muslimanëve dhe ata po bëjnë ndarjen e spitaleve midis myslimanëve dhe jo-myslimanëve”, ka thënë më tej 37-vjeçari.

Ahmed po ashtu ka folur edhe për perceptimin e tij për trajtimin global të pandemisë, dhe se si ai beson se po përdoret për përfitime politike.

“Trump po e përdor atë si një justifikim në përpjekjen për të ndaluar imigracionin dhe qeveria hungareze po centralizon pushtetin në pjesën e prapme të kësaj”, tha Ahmed.

“Shpresoj që rritja e vlerësimit për NHS, të ulë paragjykimin ndaj pakicave etnike që punojnë në të. Ne themi se e duam NHS më shumë se familja mbretërore apo ushtria, por a i duam njerëzit që bëjnë të mundur funksionimin e NHS? Nëse vazhdojmë t’u themi njerëzve që vijnë nga minoritetet se duhet të kthehen andej nga kanë ardhur, atëherë nuk e duam vërtetë NHS e cila mbahet pikërisht nga punonjës të këtyre pakicave”, vazhdon mes tjerash Riz.

Ky mesazh i aktorit vjen pas frikës se ka pabarazi në trajtimin e të infektuarve të minoriteteve të ndryshme, teksa për këtë çështje edhe Mbretëria e Bashkuar ka nisur një hetim. /Telegrafi/