Rita Ora u shfaq të enjten me një bikini të vogël portokalli, duke promovuar këngën e saj të re "Heat".
Këngëtarja 34-vjeçare u filmua duke u lëshuar diellit gjersa ecte rreth pishinës, duke dëgjuar këngën e sapolancuar të premten. Në videon e postuar në Instagram, Rita dukej spektakolare me bikinin e ndritshëm që zbulonte lehtësisht figurën e saj.
Për të përshtatur atmosferën e pushimeve, ajo kishte veshur një zinxhir trupore dhe disa rrypa në kyç. "Vera 25 sapo u bë më e nxehtë" - shkroi Rita në deskrimin e videos, duke iu referuar këngës së re, shkruan DailyMail.
"Heat" u publikua pak para se Rita të performonte në Festivalin e Muzikës World Pride në Uashington këtë fundjavë.
Ish-anëtarja e jurisë në spektaklin X Factor e përshkroi këtë këngë, e cila ka edhe një video muzikore të xhiruar në Miami, si "të veçantë" për të.
"Jam e fiksuar me këtë këngë" - tha Rita - "dhe sinqerisht, thjesht doja të argëtohesha me të. Është e guximshme, kokëfortë dhe plot energji pozitive.
Për mua fjalimi këtu është festimi i lirisë, gëzimit dhe e qenurit i tillë si je, pa u penduar.
Publikimi i 'Heat' në të njëjtën ditë me performancën time në World Pride ndihet si mënyra perfekte për të filluar verën - është një moment shumë i veçantë për mua dhe për fansat që më kanë mbështetur".
Kënga pritet të përfshihet në albumin e ardhshëm të Rita Orës, i cili ende nuk ka emër zyrtar.
Kohët e fundit Rita ka qenë pjesë e turneut "Tension" të Kylie Minogue si artist suport.
Interesante, ajo kishte qenë afër të regjistronte hitin e madh të Kylie nga 2023, "Padam Padam".
Kënga, e shkruar nga këngëtarja norvegjeze Ina Wroldsen dhe producenti Lostboy, fillimisht iu ofrua disa artistëve - përfshirë Ritën - sepse studiuesit nuk e mendonin të përshtatshme për Kylie.
Lostboy tregoi: "E shkruajmë 'Padam' në shkurt 2022 dhe u deshën ca muaj para se ta dërgoja në shtëpinë diskografike.
Dikush sugjeroi 'Kylie do ta bëjë shumë mirë'. Por ata ishin të pasigurt dhe për një kohë menduan t'ia jepnin Ritës". Përfundimisht Kylie e bëri këngën një hit global.
Rita ka shprehur entuziazëm për mundësinë të performojë në turneun e Kylie: "Nata e parë e turneut ishte e mahnitshme! Jam shumë mirënjokëse për këtë mundësi për të lidhur me publikun në Amerikën e Veriut. Ndjehet si një kompliment i madh të performosh përpara një legjende si Kylie". /Telegrafi/
