Rita Ora në prag të lansimit të këngës së re publikon të tjera imazhe nga paraqitja atraktive në klipin “Praising You”

Rita Ora ndau një seri fotografish dhe shijoi një vakt jashtë në Australi ndërsa priste publikimin e këngës së saj të re të mërkurën.

Në llogarinë e saj në Instagram, ajo publikoi disa fotografi nga klipi i saj i ri në ardhje “Praising You”, regjinë e të cilit e ka realizuar bashkëshorti i saj, Taika Waititi, 47 vjeç, shkruan DailyMail.

Ylli i muzikës pop, 32 vjeçe, e cila aktualisht ndodhet në Australi për spektaklin “The Voice Australia”, pozoi me një veshje të guximshme të materialit PVC për disa fotografi, duke zbuluar barkun e saj të tonifikuar.

Ajo i la flokët e saj bionde në valë të gjata të lirshme dhe në një tjetër pozë, mbajti duart lart ndërsa kërcente në video.

Lexo po ashtu Rita Ora e nis sportive mëngjesin në Australi, duket tërheqëse pas daljes nga palestra

Veshja e guximshme shfaqi krahët e saj të hollë dhe Rita zgjodhi një makijazh me shkëlqim për këtë paraqitje, të theksuar nga një buzëkuq i zbehtë ngjyrë rozë.

Ajo shkroi në mbishkrimin e fotografive: “Vetëm më shumë se një javë derisa ‘Praising You’ në bashkëpunim me Fatboy Slim do të publikohet së bashku me videon e mahnitshme që bëra me dashurinë time Taika Waititi. Mezi pres që ju ta shihni këtë”.

Të martën, Rita shijoi një vakt jashtë dhe u lajmërua në rrjetet sociale për të ndarë me ndjekësit disa fotografi në Instagram.

Ylli dukej joshëse e veshur me një xhaketë të kuqe dhe të prerë në pjesën e sipërme të zezë teksa hante një burger dhe patate të skuqura.

Rita shkroi: “Kam kaq shumë për të thënë, të betohem…duke pritur që t’ju lëvdoj si të tjerët.

Në kohën e saj të lirë nga xhirimet e spektaklit “The Voice Australia”, Rita ka shijuar eksplorimin e Sydneyt së bashku me motrën e saj Elenën.

Këngëtarja nuk është e huaj për qytetin dhe ka kaluar shumë kohë atje që kur iu bashkua “The Voice Australia” si trajnere në vitin 2021. /Telegrafi/