Rinovim me ulje page dhe kohëzgjatje kontrate, Barcelona në bisedime me Ter Stegen dhe De Jong

Në një përpjekje për të përmirësuar situatën e tyre financiare, Barcelona shpreson të organizojë shkurtime pagash për disa lojtarë të skuadrës së tyre të parë. Marc-Andre Ter Stegen, si një nga fituesit më të lartë në klub, është në listë së bashku me Frenkie De Jong.

Sipas gazetës katalunase Sport, Barcelona ka hapur bisedimet me De Jong për një kontratë të re.

Ngjashëm me situatën e Ter Stegen, një marrëveshje do të përfshinte një ulje page, por holandezi do të fitonte të njëjtën shumë parash si tani, për një periudhë pak më të gjatë kohore pasi do të zgjatej kontrata.

🚨🚨 Barcelona starts talks with Frenkie De Jong to renew his contract with the same salary structure as Ter Stegen. [@sport] pic.twitter.com/sjaf1GgZyI

— Barça Xtra  (@XtraBarcaa) August 19, 2023

De Jong, marrëveshja aktuale e të cilit skadon në vitin 2026, është bërë një pjesë e rëndësishme e skuadrës së Barcelonës në sezonet e fundit, dhe ai gjithashtu është bërë një lider në zhveshtore, pasi tashmë ka qenë në klub për katër vjet, pas lëvizjes së tij nga Ajaxi në vitin 2019.

Barcelona do të shpresojë që De Jong të pajtohet me propozimin, i cili do t’i lehtësojë disi problemet e tyre financiare.

Mbetet për t’u parë nëse do të arrihet një marrëveshje me holandezin për këtë çështje, pasi portieri gjerman veçse ka pranuar kushtet. /Telegrafi/