Rey Manaj shënoi tre gola, por Koeman nuk flet për emra të përveçëm pas fitores në ndeshjen e parë miqësore

Debutimi i Rey Manajt me tre gola në sfidën e parë me Barcelonën, me siguri ka kënaqur edhe Ronald Koeman, të cilit i nevojitej një nisje e mirë e sezonit.

Por trajneri holandez nuk ka preferuar të flasë me emra të përveçëm pas ndeshjes, edhe pse shqiptari bëri diferencën për ekipin e tij duke shënuar tre gola.

“E rëndësishme është që të gjithë luajtën 45 minuta dhe morën përgatitje fizike. Kishte dy pjesë loje të ndryshme, me kundërshtarin që luajti me 10 lojtarë. Është një rezultat i mirë dhe diçka mjaft pozitive”.

🎙 @RonaldKoeman talks about Barça's 4-0 win over Nàstic in the preseason opener at the Estadi Johan Cruyff pic.twitter.com/gZXHTnu8kW

— FC Barcelona (@FCBarcelona) July 21, 2021

“Të gjithë janë kthyer mirë nga pushimet dhe jemi përgatitur fort. Kjo është ndeshja jonë e parë dhe duhet të bëjmë përgatitje fizike. Të gjithë kanë patur mundësinë të tregojnë vlerat e tyre, sidomos të rinjtë, edhe pse nuk dua të përmend emra”.

“Ishte një ndeshje e mirë dhe duhet ta pranoj se ishte pak e çuditshme teksa shihnim tifozë në stadium. Për fat të mirë gjërat po fillojnë të kthehen në normalitet”.

𝙃𝙄𝙂𝙃𝙇𝙄𝙂𝙃𝙏𝙎
Barça open the preseason with a BIG win!#ForçaBarça @EstrellaDammUK pic.twitter.com/nsW306LXGP

— FC Barcelona (@FCBarcelona) July 21, 2021

“Më pëlqeu prania e tifozëve dhe u pëlqeu edhe lojtarëve. Duartrokasin, ndihmojnë, ia kishim ndjerë shumë mungesën”, ka thënë Koeman. /Telegrafi/