“Time”: Haradinaj në mesin e pesë politikanëve të arratisur më të kërkuar

Revista amerikan “Time” ka publikuar së fundmi një artikull në të cilin kanë renditur pesë gjeopolitikanët “më të rreptë”, që sipas kësaj reviste kanë fituar vëmendjen e botës.

Sipas “Time” bëhet fjalë për kryeministrin e Kosovës, Ramush Haradinaj, Fetullah Gullen, Carles Puigdemont, Julian Assange dhe Mikheil Saakashvili, transmeton Telegrafi.

“Shpesh nuk është mirë të jesh i kërkuar. Në kohëra të dramave gjeopolitike, këtu keni disa prej personazheve të rreptë që janë ‘më të kërkuarit’, të cilët kanë fituar vëmendjen e botës”, shkruan ” Time” për pesë personazhet e këtij artikulli.

“Time” shkruan se Haradinaj ka bërë emër gjatë viteve të 90-ta gjatë luftës në Kosovë. Si komandant i Ushtrisë Çlirimtare të Kosovës, ai ishte akuzuar se ka torturuar dhe vrarë serbë, por në mungesë të provave ishte liruar nga këto akuza nga Tribunali i Hagës në vitin 2008 dhe 2012.

Kjo nuk i mjaftoi Serbisë, e cila refuzon të njoh Kosovën si një shtet i pavarur, dhe kërkon që Haradinaj të ekstradohet dhe të ballafaqohet me drejtësinë, shkruan revista.

Sfida për Haradinajn nuk është vetëm Serbia. Me urdhër të aleatëve perëndimorë dhe e ndihmuar nga BE-ja, Parlamenti i Kosovës ishte pajtuar gjatë vitit 2015 që të krijohet Gjykata Speciale që do të trajtonte krimet e pretenduara të luftës dhe që do të ketë bazën në Holandë, por që do të funksionojë nën juridiksionin e Kosovës, lëvizje kjo që konsiderohet si instrument që ndihmon në stabilizimin e gjeopolitikës së Ballkanit. Por vetëm tani kanë filluar të shfaqen paralajmërimet për shfuqizimin e kësaj gjykate, ku Haradinaj dhe elita politike e Kosovës është vënë në kërkim të mundësive për të shmangur këtë gjykatë.

Shtetet e Bashkuara dhe Bashkimi Evropian që i prinë fushatës së NATO-së kundër Serbisë së Sllobodan Millosheviqit gjatë luftës – që të dyja janë të përkushtuara që Kosova të arrij normat  dhe vlerat perëndimore.

Sipas kësaj reviste amerikane, ndoshta Haradinaj dhe aleatët e tij në Kosovë janë shumë të vogël që të kujdesen për fuqitë e rëndësishme gjeopolitike; realiteti është ky, për ta ruajtur paqen ata nuk po mund ta përballojnë këtë. /Telegrafi/